“Avqustda IV dalğa olacaq, “evdə qal” kampaniyası yenidən gözlənilir”

18:03 24-07-2021 | icon 650 | Sağlamlıq
“Avqustda IV dalğa olacaq, “evdə qal” kampaniyası yenidən gözlənilir”

“Azərbaycanda IV dalğanın avqustun ortasından sonra baş verməsi gözlənilir”.

 

Bunu “ARB 24”ün “Gündəm” verilişinə açıqlamasında həkim Vasif İsmayıl deyib. O bildirib ki, IV dalğa zamanı yoluxma sayında daha ciddi artım ola bilər:

 

“Delta ştammı digərləri ilə müqayisədə minimum üç dəfə daha tez yayılır. Bizdə üç dalğa olub. I dalğada həm hazır deyildik, həm də ciddi qapanmalara getdik. II dalğada isə aktiv yoluxmuş insan sayı 66 minə qədər çatdı, qapanmalara isə 25-30 min nəfərdən sonra gedildi. III dalğada isə dünyanın bir çox ölkəsində qapanma oldu, lakin Azərbaycanda olmadı. Çünki III dalğada aktiv xəstə sayı ən çox 11 minə yaxınlaşdı.

 

Dövlət yoluxma sürətini təhlil edərək qapanmalara getməyi uyğun görmədi. IV dalğa zamanı isə artıq II dalğada xəstələnmiş şəxslərin immuniteti bitmiş olacaq. Bu isə 100 minlərlə insandır. Həmçinin peyvənd olunmuş insanların da qoruyuculuğu bitəcək və onlar III doza peyvənd vurdurmalıdır.

 

Azərbaycanda IV dalğa təxminən avqustun ortasından sonra gözlənilir. Hesab edirəm ki, IV dalğa III dalğadan bir az daha güclü olacaq. Qapanmalar, “evdə qal” kampaniyası, iş yerlərinin bağlanması gözlənilir. Biz kifayət qədər yataq hazırlamışıq. Məndə olan məlumata görə, dövlət ciddi şəkildə hazırlıq görüb. Xeyli dərman alınıb, yataq sayları artırılıb, yeni korpuslar açıblar. Hər şeyə hazırdırlar. Buna görə çalışacaqlar ki, bağlamasınlar. Hesab edirəm ki, toylar və digər məclislər bir müddət qadağan olunacaq”.

 

 

Xəbər lenti

InvestAZ

Ən çox oxunan xəbərlər

Partiya sədri naziri QINADI

“Fransa bir diasporanın girovuna çevrilib”

Osqud-Şlyatter xəstəliyindən əziyyət çəkənlərin DİQQƏTİNƏ

"Azərbaycan ən böyük dövlətə çevriləcək"

İrəvandakı aksiya sifarişçisinin Moskva EHTİMALI

“Türk Dövlətləri Təşkilatı bir güc mərkəzi kimi çıxış edə bilər”

Qarabağda daha 6 yaşayış məntəqəsinin layihələndirilməsinə BAŞLANILIR

Təhsilə ayrılan vəsaitlərin həcmində artımlar nəzərə tutulub

"Qərb özü də regiondan asılıdır"

Qızıl və gümüş BAHALAŞIR

Makronun ermənilərə vurduğu “etnik təmizləməyə məruz qalan” ETİKETİ

Sahibə Qafarovadan Ermənistana ÇAĞIRIŞ

4 il əvvəl ölən qızın meyiti TAPILDI

İntensiv yağış və qar - XƏBƏRDARLIQ

MDU yeni dövrün universitetinə çevrilir