Versus.Az xəbər verir ki, Eltac Ağayev 9 aydır müalicə alır, yatağa məhkumdur. Sağ diz qapağı qopub, sağalıb-sağalmayacağı məlum deyil.

 

 

 

 

"Oktyabrın 30-u Zəngilanda, Mincivanda yaralanıb. 22 noyabr xəstəxanadan evə dönüb, atası Mahir kişi həmin günü dözməyib ürəktutmasından rəhmətə gedib. Anası Nəsibə Ağayeva ikinci qrup əlil olub, onun da pensiyası dayandırılıb. 61 yaşı var. Ata rəhmətə gedib, ananın pensiyası kəsilib, 27 yaşlı qardaşı evlidir, bir dam altında yaşayırlar. Ailə çarəsiz vəziyyətdədir. Bir qolu işləmir, bir ayağı pis vəziyyətdə. İndi yalandan deyim ki, qayğı ilə əhatə olunub? Axı mən onlarla müharibə iştirakçısı, o cümlədən Eltacı gördüm ki, ehtiyac içindədir. Amma milyonlarla oynayanlar var, milyonları oğurlayanlar var. Eltac niyə dövlətindən narazı olmalıdır? Belə çıxır ki, Eltac üç il bundan sonra da canı ilə əlləşəcək, pensiya ala bilməyəcək. Bəs o zamana kimi necə yaşayacaq? Onun üçün də Parlamentdə dedim və yenə təkrar edirəm ki, bütün yaralılara 3-5 il müddətində 500-700 AZN arası aylıq pul verilməlidir ki, onlar yaşaya və reabilitasiya oluna bilsinlər".