Elxan Şahinoğlu: “Qarabağdakı separatçılar tərskilah olunmalıdırlar”

Azərbaycan Müdafiə Nazirliyinin məlum açıqlamasında Rusiyanın imzaladığı bəyanatlara riayət etmədiyi, Ermənistan silahlı qüvvələrinin Azərbaycan ərazilərindən çıxarılmasının təmin olunmadığı, yeni erməni postlarının yaradılmasına şərait yaradıldığı vurğulanıb.

Versus.Az xəbər verir ki, məsələni şərh edən politoloq Elxan Şahinoğlu vurğulayıb ki, Azərbaycan Müdafiə Nazirliyi Rusiyanın Ermənistanla birgə bəyanatın müddəalarını pozduğunu etiraf edib:

“Azərbaycan Müdafiə Nazirliyinin açıqlamasının son cümləsi belədir: “Rusiya Federasiyası sülhməramlı qüvvələri üçtərəfli bəyanatın müddəalarına uyğun olaraq müvəqqəti dislokasiya olunduqları Azərbaycan ərazilərində Ermənistan silahlı qüvvələrinin yerləşdirilməsi hallarına son qoymalıdır”.

E.Şahinoğlu iddia edir ki, Azərbaycan Müdafiə Nazirliyinin bu açıqlaması havada qalmamalıdır:

“Açıqlamada yazıldığı kimi “Azərbaycan Ordusu tərəfindən bütün adekvat tədbirlərin görülməsi təmin olunacaqdır”-cümləsinin reallaşdırılması mexanizmləri hərəkətə gətirilməlidir. Laçın dəhlizi nəzarətə götürülməli, Qarabağdakı separatçılar tərskilah olunmalıdırlar – bunun başqa alternativi yoxdur”-deyə politoq bildirib.

SEVDA
Versus.Az