Şuşada poliqonun yaradılması üçün yer axtarılır
390 |
Cəmiyyət
“Hazırda Şuşada tullantıların yığılması işi davam etdirilir və müvəqqəti müvafiq yer Daşaltı kəndinin yaxınlığında yerləşir. Orada poliqonun tikilməsi üçün Ekologiya və Təbii Sərvətlər Nazirliyi ilə birgə əraziyə baxmalıyıq”.
Versus.Az xəbər verir ki, bunu açıqlamasında “Təmiz Şəhər” ASC-nin İdarə Heyətinin sədri Etibar Abbasov deyib.
O bildirib ki, sözügedən şəhərdə poliqonun yaradılması üçün torpaq sahəsi ayrılmalıdır:
“Şuşa ətrafı meşəlikdir ərazidir. Poliqonun salınması üçün lazım olan düzənlik sahəni axtarıb tapmaq lazımdır. Nazirlik tərəfindən müəyyən yer ayrılarsa, işimizi qurarıq. Alternativ olaraq, müvafiq yerin tapılması üçün əraziyə özümüz də baxırıq. Şuşada hər hansı emal müəssisənin yaradılmasını da nəzərdən keçirə bilərik. Bu variantlar üzərində də işləyirik ki, gələcəkdə orada poliqon yox, emal müəssisəsi yaradaq. Tullantıları həmin müəssisədə emal edək”.
Xəbər lenti
"Qərbin demokratiyası heç bir ölkə üçün maraqlı deyil"
"Hər kəs öyrəndi ki, regionda hər hansı məsələnin həlli Azərbaycansız mümkün deyil"
