"Cənab Prezident, imişlilər sizinlədir"

Bu gün Versus.az-ın redaksiyasına nitq qüsuru olan II qrup əlilliyi olan bir vətəndaş gəldi. O, Prezidentin ad günü ilə bağlı təbrik yazdığını və bunu qəzetlərdə, saytlarda dərc etdirmək istədiyini dedi. Güclə danışırdı. Sözündən belə başa düşdük ki, İmişli rayonundan Bakıya məhz bu təbrik məktubunu dərc etdirmək üçün gəlib.

İmişli sakini olan Elçin Xəlilov adlı şəxsin bu sevgisini və xahişini nəzərə alaraq, onun Prezidentin ad gününə yazdığı təbriki olduğu kimi saytımızda tədim edirik:

"Hörmətli cənab Prezident!

Sizi 24 dekabr – ad gününüz, 60 yaşınızın tamam olması münasibəti ilə təbrik edirəm. Ömrünüz uzun, canınız sağlam, işiniz uğurlu, həyatınız nurlu olsun. Səadət, xoşbəxtlik daim üzünüzə gülsün!

Hörmətli cənab Prezident!

İmişlilər sizinlədir! Sizin yeritdiyiniz siyasəti dəstəkləyirik.

Öz admdan və yaxınlarımın adından bir daha Sizin ad gününüzü təbrik edirəm. Allah sizə kömək olsun! Allah oğlunuz Heydər Əliyevə toy qismət eləsin!

Möhtərəm Prezident!

Mən Sizi ömürlük Prezident görmək istəyirəm. Mən Sizinlə fəxr edirəm!

Yaşasın Azərbaycan Prezidenti, yaşasın Azərbaycan xalqı!

Hörmətlə,

Yeni Azərbaycan Partiyasının üzvü, İmişli sakini Elçin Xəlilov"

Versus.az