Yeraltı keçiddə qalan tələbələrin yeri dəyişdirildi - YENİLƏNİB

12:00 26-02-2022 | 663 | Cəmiyyət

“Ukraynanın paytaxtı Kiyevdə yeraltı avtomobil dayanacağında qalan doqquz Azərbaycan vətəndaşının yeri dəyişdirilib”.

Versus.Az xəbər verir ki, bu barədə Diasporla İş üzrə Dövlət Komitəsinin şöbə müdiri Vəsilə Vahidqızı bildirib.

Onun sözlərinə görə, hazırda tələbələr olan yer əvvəlkinə nisbətən daha yaxşıdır:

“Onların təxliyəsi ilə bağlı danışıqlar gedir”.

Qeyd edək ki, dünən doqquz tələbə Kiyevdə yeraltı avtomobil dayanacağında gizləndiklərini, yerlərinin soyuq olduğunu və qida ehtiyatlarının olmadığını bildiriblər.

00:50

Kiyevdə 9 azərbaycanlı tələbə yeraltı dayanacağa (Киев, Харьковское шоссе 210) sığınıblar.

Versus.Az xəbər verir ki, bu barədə sosial mediada məlumat yayılıb.

Bildirilib ki, hazırda onlar soyuqdan əziyyət çəkir və acdırlar. Vəziyyətlərinin çox çətin olduğunu qeyd edilir.

Eyni zamanda, səfirliyə müraciət edən tələbələrin “gözləyin” cavabı aldıqları vurğulanıb. Lakin hazırda səfirlik tərəfindən heç bir addım atılmadığı bildirilib.

Hazırda bu şəxslərin təcili köməyə ehtiyacı var.

Əlaqə telefonu: +380 636 79 88 86

Onların təhsil aldıqları müəssisələri:

Kiyev Milli Texnologiya və Dizayn Universiteti

Kiyev Tibb Universiteti

Eləcə də, Kazımov Emin adlı şəxs Xarkov şəhərindədir. Onun yoldaşının hamilə olduğu və səfirliklə heç cür əlaqə saxlaya bilmədiyi qeyd edilib. Onun əlaqə telefonu: 0660603944