"5-ci kolon" ünsürlərindən tam TƏMİZLƏNMƏLİ

18:15 28-03-2022 | icon 485 | Cəmiyyət
"5-ci kolon" ünsürlərindən tam TƏMİZLƏNMƏLİ

Alp Arslan İmamqulu: “Bu, professional ordu quruculuğunun sürətlənməsini təşviq edəcək”

 

“Dünyada gedən proseslər göstərir ki, güclü silahlı qüvvələr müstəqilliyimizin əsasıdır və bunun təmin edilməsi üçün köklü islahatlara gedilməlidir”.

 

Versus.Az xəbər verir ki, bunu hərbi təhlilçi, "M5 Müdafiə və Strategiya" jurnalının Qafqaz və Orta Asiya üzrə nümayəndəsi Alp Arslan İmamqulu regionda və dünyada davam edən gərgin dönəmdə hərbi sahədə irəliləyişlərin əldə olunması üçün tələb olunan ilkin addımlara diqqət çəkərkən bildirib.

 

A.A.İmamqulu dünyada gedən prosesləri analiz edərək bir sıra mühüm tədbirlərin görülməsini təklif edib. Ekspert ilk növbədə tam orta məktəblərdə hərbi dərslərin keyfiyyətinin artırılması və daha çox praktiki vərdişlərin aşılanması zərurətini ortaya qoyaraq bir sıra təkliflərə çıxış edib:

 

“Orta məktəblərdə fiziki hazırlıq, yetərlilik standartlarının yüksəldilməsi, xüsusən də məktəblərdə şərq döyüş idman növlərinin təşviqi önəmlidir. Eləcə də atıcılıq dərslərində simuliasiya vasitələri ilə məşqlərlə yanaşı, pnevmatik və gerçək silahlarlardan da istifadə olunması vərdişlərin qazanılması əhəmiyyətlidir. Bunun üçün Müdafiə Nazirliyinin bölgələrdəki hərbi hissələrində olan imkanlardan faydalanmaq mümkündür.

Məktəblilər arasında pentatlon, xəritə ilə hərbi səmti müəyyən etmə, silahla davranma, atıcılıq yarışları və kiçik hərbi taktiki oyunlar təşkil olunaraq, stimullaşdırma təmin edilə bilər. Bu işlərə cəlb olunan müəllimlərin xüsusi qabiliyyət imtahanlarından keçirilməsi zəruridir”.

 

A.A. İmamqulu hesab edir ki, xüsusi təyinatlı ali təhsil müəssisələrinin bir mərkəzdə, bir rəhbərlikdə birləşdirilməsi mümkündür. Onun fikrincə, ayrı-ayrı təhsil müəssisələrinin yerinə, tək mərkəzdə müxtəlif istiqamətlər üzrə fakultələrdə tədris təşkil edilə bilər. Beləliklə əlavə xərclər aradan qaldırılmış olacaq və maliyyə resurslarına ciddi qənaət edilməsi ilə daxili imkanlar hesabına təminat artırılacaq.

 

Hərbi təhlilçi hesab edir ki, Milli Müdafiə Universiteti və ona bağlı olan akademiya, məktəb və mərkəzlərdə xidmət edən professor-müəllim heyəti peşəkarlar arasından xüsusi yetərlilik imtahanları ilə seçilməklə ən yüksək kategoriyalı maaşlarla təmin olunmalıdır. Onun sözlərinə görə, eləcə də Milli Müdafiə Universitetinə bağlı akademiya, məktəb və mərkəzlərə müdavim (kursant) qəbulu, attestasiya, imtahan prosesi səffaflaşdırılmalı və keçid balları yüksəldilməlidir. Təlim və tədris müddətində müdavimlərin (kursantların) innovativ elmi və praktiki vərdişlərinin artırılması üçün strateji tərəfdaş dövlətlərlə sıx əməkdaşlıqlar edilməsi əsas meyarlardandır.

 

A.A.İmamqulu xüsusilə vurğulayıb ki, Silahlı Qüvvələr ehtimal olunan "5-ci kolon" ünsürlərindən tam təmizlənməlidir:

 

“Bununla yanaşı, rüşvət və xəyanətin qarşısının alınması üçün lazım olarsa, ciddi qabaqlayıcı tədbirlər görülməlidir. Silahlı Qüvvələrin ştat strukturuna yenidən baxılaraq daha kiçik və çevik bölmələrin yaradılması hesabına qənaətə nail olaraq, xidmət edənlərin təminatının daha da yaxşılaşdırılmasına nail olmaq olar. Bu, eyni zamanda professional ordu quruculuğunun sürətlənməsini təşviq edəcək”.

 

TAHİRƏ

Xəbər lenti

InvestAZ

Ən çox oxunan xəbərlər

Müqəddəs Torpağa ŞANLI QAYIDIŞ

Bunlar əzələ ağrısını daha da ağırlaşdırır

Azərbaycanın qoşulduğu bu Konvensiyalar hansı imkanlar yaradır?

ABŞ-da danışıqlara qoşuldu; sülh müqaviləsi nə vaxt bağlanır- MÜSAHİBƏ

"O zaman bələdiyyələri də ləğv etmək lazımdır"

"Park Cinema"dan 50% ENDİRİM

İqtidar-müxalifət nümayəndələri danışdılar - ÇƏKİŞMƏ

"Qərb bu anlaşmanı istəyir"

Putinin əsas planı

İranın Əhvaz şəhərində vəziyyət QARIŞDI

Vətən müharibəsi və şanlı Zəfərimizin səhnə təcəssümü

Azərbaycandan UNESCO-ya ÇAĞIRIŞ

Qalib xalqın xoşbəxt nəsli

Sovet işğalına qarşı müqavimət hərəkatın fəal iştirakçısı –
Əli bəy Zizikski

Hərbi xidmətə növbəti çağırış başlayıb