“Allahın qəzəblə əlaqəli adı və sifəti yoxdur”

18:20 06-04-2022 | icon 392 | Cəmiyyət
“Allahın qəzəblə əlaqəli adı və sifəti yoxdur”

Elşad Miri: “Tövbə qapısı da ölüm anına kimi açıqdır”

 

“Biri deyir məhərrəmlikdə toy etmək olmaz, digəri may ayının ağır olduğunu iddia edir... Bu, dar düşüncənin ağızdan çıxan ifadələridir. Həmin günlərdə baş verən bədbəxt hadisənin də belə «qiymətləndirirlər». Kimin necə və hansı formada öləcəyini heç kim bilməz. Bu cür iddia sahiblərinin ölüm anına kimi eyni düşüncədə qalacağına da zəmanət yoxdur”.

 

Versus.Az xəbər verir ki, bunu dinşünas Elşad Miri Səbail rayonu ərazisində yerləşən"Location" gecə klubunda baş vermiş partlayışla bağlı xəsarət alanların “Allahın qəzəbi”nə gəlmələri  ilə bağlı sosial şəbəkələrdə gedən müzakirələrlə bağlı açıqlamasında bildirib.

 

E.Miri bildirib ki, hadisə ilə bağlı "Ramazanın ilk gününü gecə klubunda qarşılamağın sonu belə olmalı idi", demək vicdanlı insanın sözü deyil:

 

 “Bu hadisə Ramazanın 2-ci və ya 3-cü günü baş versəydi, nə deyəcəkdilər? Ramazan ayında Ukraynada baş verənlərə nə deyəcəklər? Yaxud bu ayda müxtəlif məkanlarda əyləndikləri halda heç bir hadisə baş verməyənlərə o zaman haqq qazandıracaqlar?”

 

E.Miri bu hadisəni Allahın qəzəbi kimi təqdim edənlərə məlumat üçün qeyd edib ki, Allahın qəzəblə əlaqəli adı və sifəti  yoxdur:

 

“Allahı qəzəbləndirənlər ən böyük zülm olaraq Ona ortaq qoşanlardır. Başqalarına böhtan atanlardır. Öz fikirlərini Allaha istinad edənlərdir. Onun mesajlarını dəyişdirib təqdim edənlərdir (“Bəqərə” surəsi, 2/79; “Ali-İmran” surəsi, 3/78)”.

 

Dinşünas gecə klubunda baş verən partlayışın dinlə əlaqələndirilməsini yanlış sayıb:

 

“İnsanlar necə əylənəcəklərinə özləri qərar verirlər. Allah insanlara Ona güvənib yaşamaq və ya inkar edib yaşamaq seçimini verib. Yaddan çıxarmayaq ki, günahsız insan yoxdur. Tövbə qapısı da ölüm anına kimi açıqdır”.

 

LƏMAN
Versus.Az

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol