Karantin qaydalarının ləğvi GÖZLƏNİLİR

13:28 11-04-2022 | icon 322 | Cəmiyyət
Karantin qaydalarının ləğvi GÖZLƏNİLİR

"Digər vacib məsələlərdən biri quru sərhədlərin açılmasıdır"

 

Karantin qaydalarının yumşaldılması müzakirə olunur. Son mərhələdə Nazirlər Kabineti yanında Operativ Qərargah qərar verəcək.

 

Versus.Az xəbər verir ki, bunu açıqlamasında Milli Məclisin Sosial siyasət komitəsinin sədri Musa Quliyev deyib. Komitə sədri ölkəmizdə növbəti dəfə karantin qaydalarının yumşaldılacağını söyləyib.

 

Onun fikrincə, müəyyən vaxtdan sonra bütün qadağalar ləğv olunacaq:

 

“Artıq dünyanın bir çox yerlərində qadağalar götürülüb. Düşünərəm ki, Azərbaycanda da epidemiyanın artıq sonu gəlib. Yavaş-yavaş bütün karantin qadağaları ləğv olunmalıdır və olunacaq. Qadağalar mərhələli şəkildə götürülməlidir ki, yenidən kütləvi yoluxma ilə qarşılaşmayaq. Müxtəli parametrlər nəzərə alınmalıdır. Birinci növbədə karantin qərarını elan edən Ümumdünya Səhiyyə Təşkilatının qərarını gözləməliyik. Biz epidemiyanı nəzarətdə saxlaya bilirik, qiymətləndiririk, ancaq dünyada proses necə gedir, hansı ölkələrdə yoluxma sayı artıb və ya koronavirusun yeni modifikasiyası ortaya çıxa bilərmi, bunları qiymətləndirə bilmərik. Nəzərə alınmalıdır ki, üzü yaya doğru gedirik, insanlar maska rejimində qalmaqdan sıxılırlar. Xüsusən yas mərasimlərinə icazə verildikdən sonra heç kim maska rejiminə əməl etmir. Buna uyğun olaraq adevkat qərar qəbul etmək olar”.

 

 

M.Quliyev, həmçinin qeyd edib ki, digər vacib məsələlərdən biri quru sərhədlərin açılmasıdır:

 

“Turizm mövsümü gəlir və sərhədlərin açılmasını elan etməliyik ki, Azərbaycanda istirahətini planlaşdıran insanlar artıq bu nüansı nəzərə alsınlar. Turizm mövsümündə ləngiyə bilərik, bu da bizim həm iqtisadiyyatımıza, həm də turizm sənayemizə mənfi təsir göstərə bilər. Rusiyada, Gürcüstanda, Cənubi Azərbaycanda yaşayan xeyli sayda azərbaycanlı var və onların Vətənə rahat gələ bilməsi üçün sərhədlər açılmalıdır”.

 

Qeyd edək ki, bir neçə gün əvvəl Səhiyyə naziri Teymur Musayev Azərbaycanda qapalı məkanlarda tibbi maskadan istifadə tələbinin ləğv edilməsi məsələsinə baxıldığını bildirmişdi. /modern.az/

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol