Mərkəzi Bankın yeni rəhbəri KİMİN OĞLUDUR?

12:55 13-04-2022 | icon 535 | Cəmiyyət
Mərkəzi Bankın yeni rəhbəri KİMİN OĞLUDUR?

Mərkəzi Bankın İdarə Heyətinin üzvü təyin edilən Taleh Kazımovun tərcümeyi-halına ictimai maraq onunla bağlı əlavə məlumatların tirajlanmasına səbəb olub. 

 

Versus.az xəbər verir ki, Taleh Kazımov 1 iyul 2015-ci il tarixində PAŞA Bankın Baş icraçı direktoru və İdarə heyətinin sədri vəzifəsinə təyin olunub. 

 

Maliyyə sektorunda peşəkar karyerasına 2004-cü ildə Bank Standard-da Xəzinədarlıq departamentinin aparıcı mütəxəssisi qismində başlayıb, daha sonra isə Uçotun idarə olunması və büdcə planlaşdırılması seqmentinin rəhbəri, Korporativ kreditləşmə seqmentinin direktor müavini vəzifələrində çalışıb. Eyni zamanda, 2006-cı ildə "Ernst and Young" şirkətində auditor vəzifəsində də işləyib.

 

Ali təhsilini 2000-2004-cü illərdə Azərbaycan Texniki Universitetinin "Avtomatlaşma və Kompüter mühəndisliyi" fakültəsində alıb. Həmçinin, o, Azərbaycan Dövlət Neft Akademiyasında Biznesin idarə edilməsi ixtisası üzrə magistr dərəcəsinə və ABŞ-ın Georgia State Univercity-ində maliyyə sahəsində Biznesin idarə edilməsi ixtisası üzrə magistr dərəcəsinə yiyələnib. Bundan başqa, T.Kazımov 2010-cu ildə London Biznes Məktəbinin (Böyük Britaniya) və 2012-ci ildə Harvard Biznes Məktəbinin (ABŞ) yüksək ixtisas proqramlarını (“Senior Executive Programme”) müvəffəqiyyətlə bitirib.

 

Qeyd edək ki, Taleh Kazımov ziyalı ailəsində doğulub. Onun atası Tahir Kazımov uzun illər polis sistemində çalışıb. Əslən Cəbrayıl rayonunun Soltanlı kəndindən olan Tahir Kazımov Qaradağ rayon Polis İdarəsində rəis müavini, İmişli və Masallı rayonlarında polis rəisi vəzifələrində çalşıb. Hüquq-mühafizə orqanlarında son iş yeri Bakı Metropoliteni olub. Tahir Kazımov Bakı Metropoliteninin polis rəisi işləyib.

 

Tahir Kazımov daxili işlər orqanlarından təqaüdə çıxandan sonra bir neçə il Ali Attestasiya Komissiyasında ümumi şöbənin müdiri vəzifəsində çalışıb.

 

Mərhum Tahir Kazımov həm də yaradıcı fəaliyyətlə məşğul olub. 20-yə yaxın bədii kitabın müəllifidir. Onun yazdığı “Qisas” romanı əsasında 32 seriyadan ibarət film çəkilib.

 

Polis polkovniki olan Tahir Kazımov bu ilin mart ayında 80 yaşında dünyasını dəyişib. 

 

Taleh Kazımovun əmisi Qəzənfər Kazımov isə məşhur elm adamıdır. Filologiya elmləri doktoru, professor olan Qəzənfər Kazımov uzun illər N.Tusi adına Azərbaycan Dövlət Pedaqoji Universitetində dekan vəzifəsində çalışıb. 

 

Taleh Kazımovun babası Şirin Kazımov İkinci Dünya Müharibəsində alman faşistlərinə qarşı mübarizədə qəhrəmancasına həlak olub. /modern.az/

Xəbər lenti

InvestAZ

Ən çox oxunan xəbərlər

"Üzvlərin sayı partiyanın fəaliyyətinə təsir etməməlidir"

Bakıya 12 metrlik avtobuslar gətirildi

“Orion” Ay ətrafında dövr etdi

Rusiya çökür... Naxçıvan blokadadan çıxır... - VİDEO

Avropada daha bir müharibə - TƏHLİL

Siyasi partiyalardan qanunun yeni redaksiyasına VS münasibət

 

Müharibə yenidən başlayır?

Sağlamlıq məhdudiyyətli şəxslərin əl işləri sərgiləndi

Dövlət qurumundan 9000 manatlıq oğurluq

Qanunsuz erməni silahlıları ordumuzun mövqelərini atəşə tutublar

Yaşa görə orta aylıq pensiya 455 manat olacaq

hamilə olduğu üçün təzminat ödəyəcək

Avropalı deputatlar çağırış etdilər

Yeni dünya rekordu

Rəşad Dağlını müdafiə edənlər məni... - VİDEO