Qarabağ haqqında yeni kitabların TƏQDİMATI

10:19 19-04-2022 | icon 787 | Cəmiyyət
Qarabağ haqqında yeni kitabların TƏQDİMATI

"Qəhrəmanlar hər zaman xalqımızın qəlbində yaşayacaq"

 

Nərimanov Mərkəzi Kitabxanasında Qarabağ həqiqətləri ilə bağlı kitabların təqdimatı keçirilib.

 

Versus.Az xəbər verir ki, “Peşəyönümlü Təhsilin İnkişafına Dəstək” İctimai Birliyinin sədri, Azərbaycan Yazıçılar Birliyinin üzvü, Prezident təqaüdçüsü İradə Əlilinin ( Əliyeva) müəllifi olduğu “Zəfər yolu”, “Bir damla göz yaşında torpaq həsrəti”, “Laçın həsrətim” və “Xocalı Şahidlər danışır” adlı kitablarının təqdimat mərasimi Nərimanov Rayon Mərkəzləşdirilmiş Kitabxana Sisteminin Mərkəzi Kitabxanasında baş tutub.

 

Təqdimatı giriş sözü ilə açan Nərimanov rayon MKS-nin direktoru Vəfa Quliyeva açıb.

 

Tədbirin aparıcısı və kitabxananın əməkdaşı Ülkər Zeynalova şairənin yaradıcılığı və təqdim olunan kitablar haqqında ətraflı məlumat verib.

 

“Zəfər yolu” kitabının “Ön söz” müəllifi, Milli Məclisin İctimai birliklər və dini qurumlar, Elm və Təhsil komitələrinin üzvü, ilahiyyat üzrə fəlsəfə doktoru Ceyhun Məmmədov çıxışında bildirib ki, Müzəffər Ali Baş Komandan İlham Əliyevin rəhbərliyi ilə qəhrəman hərbçilərimiz canları bahasına Vətən torpaqlarını işğaldan azad etdi. Bu amal uğrunda şəhadətə yüksələn qəhrəmanlar hər zaman xalqımızın qəlbində yaşayacaq:

 

“Vətən müharibəsindən sonrakı dövrdə qarşımızda duran mühüm vəzifələrdən biri Qələbəmizi daha da möhkəmləndirmək, eləcə də tarixi Zəfərimizi dünya ictimaiyyətinə çatdırmaqdır. Biz bu gün çalışırıq ki, Azərbaycan həqiqətlərini dünyaya çatdıraraq erməni vəhşiliyini ifşa edək. Bu baxımdan, belə əsərlərin ərsəyə gəlməsi çox önəmlidir. Diqqətçəkən mühüm amil ondan ibarətdir ki, bu kitab təkcə Azərbaycan dilində deyil, həm də ingilis dilindədir. Yəni, bu gün ən mühüm məsələlərdən biri də odur ki, ingilis, fransız, ərəb və digər dillərdə də belə kitablar nəşr olunsun. Hesab edirəm ki, bu bizim haqq işimizin dünya ictimaiyyətinə çatdırılmasında növbəti mühüm töhfə olacaq.”

 

Milli Məclisin Əmək və sosial siyasət komitələrinin üzvü, millət vəkili Vüqar Bayramov qeyd edib ki, bu kitablar Ali Baş Komandan İlham Əliyevin rəhbərliyi ilə rəşadətli Azərbaycan Ordusunun gücü və xalqımızın birliyi sayəsində 44 günlük Vətən müharibəsində qazanılan Qələbəmizdən bəhs edir:

 

“Kitabları oxuyan hər kəs Zəfər tariximizi daha yaxından öyrənəcək, həmçinin onlarda tariximizə, tarixi şəxsiyyətlərimizə, milli-mənəvi dəyərlərimizə və müasir Azərbaycanın inkişaf yoluna diqqət və marağın artırılmasına düzgün yanaşma tərzi formalaşacaq. Bu kitablar gələcək nəslin ölkənin keşməkeşli tarixi keçmişini öyrənməsi, onlarda Vətənə sevgi və vətənpərvərlik tərbiyəsinin möhkəmləndirilməsi istiqamətində böyük rol oynayacaq.”

 

İraq Respublikasının Azərbaycandakı səfirliyinin Mədəniyyət şöbəsinin rəisi Hudayfa Ziyad Mahmud tədbirdə iştirakından məmnunluğunu dilə gətirərək, ölkələrimiz arasındakı qardaşlıq münasibətlərindən söz açıb. Qeyd edib ki, Azərbaycan Ordusunun əldə etdiyi tarixi Zəfər dövlət və xalqın mənafeyi baxımından xüsusi əhəmiyyətə malikdir:

 

“Uzun illərdən bəri düşmən tapdağı altında qalmış torpaqların işğaldan azad edilməsi ilk növbədə Azərbaycan xalqının özünə inamını qaytardı, xalqın öz liderinə, onun gücünə etibarını daha da möhkəmləndirdi. Zəfər Günü ilə bağlı yazılan tarixi kitabın ictimaiyyətə təqdim olunması qürurvericidir. Bu kitablar vətənpərvərlik ruhunda yazılmış əsərlərin təcəssümüdür. Belə nəşrlərin olması gələcək üçün də parlaq bir töhfədir. Bu kitabın nəşrə hazırlanmasında əməyi olan hər kəsə təşəkkür edirəm.”

 

Daha sonra 25 saylı tam orta məktəbin 5b sinif şagirdi Şəfiqə Kərimli İradə xanımın şeirlərindən bir neçəsini səsləndirib. Eyni zamanda, Milli konservatoriyanın tələbəsi Asim Primov tarda “Alagözlüm” mahnısını ifa edib. Sonra təqdim edilən kitablar haqqında videoçarx nümayiş olunub.

 

Kitabların müəllifi İradə Əlili bildirdi ki, Azərbaycan həqiqətlərini dünya ictimaiyyətinə çatdırmaq hər birimizin vətəndaşlıq borcudur:

 

“Təbii ki, indi informasiya silahından daha çox istifadə etmək lazımdır. Biz də Azərbaycan vətəndaşı, ziyalı olaraq tarixi gerçəklikləri dünya ictimaiyyətinə tanıtmalı və bu yönümdə zəruri tədbirlər həyata keçirməliyik. Müəllifi olduğum 14 kitabdan 8-i Qarabağla bağlıdır. Fikrimcə, mənim kitablarım az da olsa Azərbaycan həqiqətlərinin dünyaya çatdırılmasına öz töhfəsini verəcək. Kitablarım bir neçə xarici dildə tərcümə olunub. Bu o deməkdir ki, xarici dövlətlərin vətəndaşları da tariximizin gerçəkliklərini müxtəlif dildə oxuyacaq və biləcəklər.”

 

İradə xanım tədbirin təşkilinə görə Nərimanov rayon MKS-nin rəhbərliyinə öz minnətdarlığını bildirib və kitabların çapında əməyi keçən hər bir şəxsə təşəkkürünü çatdırıb.

 

“Laçın Həsrətim” kitabının həmmüəllifi, yazıçı Sevinc İbrahimova qeyd edib ki, İradə xanım Qarabağa və qarabağlılara xüsusi dəyər verir. Heç bir maddi-mənəvi dəstək olmadan Qarabağ həqiqətlərindən bəhs edən kitabları öz hesabına kitab nəşr etdirib:

 

“Bütün qarabağlılar, xüsusilə də laçınlılar adından İradə xanıma dərin minnətdarlığımı bildirirəm. İnşallah ki, bundan sonra yazılan bütün kitablarımız Zəfər soraqlı olar. Allah şəhidlərimizə rəhmət eləsin, qazilərimizə cansağlığı versin.”

 

“Zəfər Yolu” kitabının həmmüəllifi, “Baku News” internet televiziyasının aparıcısı, jurnalist Vüqar Şahinoğlu bildirib ki, kitabın yazılmasında məqsəd 44 günlük Vətən müharibəsindəki qalibiyyətimizi müxtəlif dillərdə bütün dünyaya çatdırmaqdır:

 

"Bu kitab Azərbaycan və ingilis dillərinə tərcümə olunub. Türkiyə türkcəsi üzərində tərcümə işləri artıq yekunlaşmaq üzrədir. Gələcəkdə kitabın daha bir neçə xarici dillərə tərcümə edilməsi nəzərdə tutulur. Bu kitabda əsasən cənab Prezident İlham Əliyevin İkinci Qarabağ savaşına qədər və postmüharibə dövründə etdiyi çıxışlar və xalqa müraciətləri öz əksini tapıb. Eyni zamanda, Qarabağdan olan ictimaiyyət, media nümayəndələrinin və digər peşə sahiblərinin Qələbə ruhunda yazılmış fikirləri də öz əksini tapıb".

 

Qeyd edək ki, Avropa Azərbaycanlıları Konqresinin baş katibi Arzu Oqtay, Almaniya-Azərbaycan Dostluq Cəmiyyətinin sədri Naibə Hacıyeva, İsveç Krallığında yaşayan Azərbaycan diasporunun tanınmış təmsilçisi və lobbiçisi, Stokholm Bələdiyyəsinin dövlət qulluqçusu Leyla Kiani, Kiyev Azərbaycanlıları Konqresinin Gənclər sektorunun əməkdaşı Möminə Xatun Səttərova, "Vəfa" sosial problemlərin həllinə dəstək İctimai Birliyinin sədri Fatimə Hacıyeva, Niderland -Belçika Azərbaycanlıları Koordinasiya Şurasının əlaqələndiricisi, "Ana vətən" Avropa Azərbaycan Qadınlar Birliyinin sədri Maisə Ağamirzəyeva, “Real” televiziyasının Avropa Bürosunun rəhbəri və Niderland-Belçika Azərbaycanlıları Koordinasiya Şurasının və “Ana Vətən” Avropa Azərbaycanlı Qadınlar Birliyinin üzvü Xatirə Sərdarqızı da çıxışlarında sözügedən kitabların mövzu baxımından böyük əhəmiyyət daşıdığını vurğulayıblar.

 

 

 

 

 

Vüqar Şahinoğlu
Versus.Az

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Ən sürətli qol

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Dəri problemlərindən mərciməklə xilas olun

Bu iki ədviyyatı birgə istifadə edin