İrəvan Müəllimlər Seminariyası - 140

16:48 28-04-2022 | icon 637 | Cəmiyyət
İrəvan Müəllimlər Seminariyası - 140

Aprelin 25-də Atatürk mərkəzində İrəvan Türk Cümhuriyyətinin təşkilatçılığı ilə “İrəvan Müəllimlər Seminariyasının 140 illiyi”nə həsr olunmuş elmi-praktik konfrans keçirilib.

 

Versus.Az xəbər verir ki, Konfransın məqsədi XIX əsr tarixində İrəvan Müəllimlər Seminariyasının maarif və elmin inkişafında rolunun, eyni zamanda Seminariyada təhsil alan dövrün görkəmli ziyalılarının elmi-mədəni mühitə verdiyi töhfənin vurğulanmasıdır.


İlk olaraq Azərbaycan Respublikasının Himni səsləndirilib, Şəhidlərimizin ruhu 1 dəqiqəlik sükutla yad edilib.


Konfransı giriş sözü ilə açan İrəvan Türk Cümhuriyyətinin Azərbaycan üzrə səlahiyyətli nümayəndəsi İradə Rizazadə bu konfransın mahiyyətindən, İTC-nin gördüyü işlərdən danışıb. Eyni zamanda qədim tarixə malik olan seminariyanın tarixinin yaşadılması, gənc nəslin maarifləndirilməsi baxımından Azərbaycan Respublikasının Prezidenti İlham Əliyevin “İrəvan Müəllimlər Seminariyasının 140 illiyi” ilə bağlı Sərəncamının xüsusi mahiyyətini vurğulayıb.


Sonra məruzələr dinlənilib. Azərbaycan Dövlət Pedaqoji Universitetin dekanı, professor, elmlər doktoru Fərrux Rüstəmov İrəvan Müəllimlər Seminariyası və onun xələfi İrəvan Türk Pedaqoji Texnikumu, Qərbi Azərbaycan Azadlıq Təşkilatı İdarə Heyətinin sədri Əli Vəliyev isə Qərbi Azərbaycanda (indiki Ermənistan) təhsilin tarixi mövzularında məruzə ilə çıxış ediblər.


Azərbaycan Respublikasının Prezidenti yanında Dövlət İdarəçilik Akademiyasının Tarix kafedrasının müdiri Firdovsiyə Əhmədova, Bakı Slavyan Universitetinin professor Şəlalə Həsənova, Milli Kulinariya Assosiasiyasının prezidenti Tahir Əmiraslanov çıxış edərək Seminariyanın təhsil ocaqları sırasında əhəmiyyəti rolunu xüsusi vurğulayıblar.


Konfrans müzakirələrlə davam etdirilib. “İrəvan Müəllimlər Seminariyasının 140 illiyi” ilə bağlı elmi-praktik konfransın iştirakçıları tərəfindən XIX əsrin ikinci yarısı - XX əsrin əvvəllərində İrəvanda bütün çətinliklərə sinə gərib xalqın tərəqqisinə çalışan Axund Molla Məhəmmədbağır Qazızadə ilə birlikdə maarif və mədəniyyətin yayılmasına xidmət göstərmiş ziyalı və maarifçilər - Fazil İrəvani, Məmmədvəli Qəmərlinski, Məmməd bəy Qazıyev, Cəfər bəy Cəfərbəyov, İbadulla bəy Muğanlinski, Mirzə Cabbar Məmmədzadə, Həsən bəy Qazıyev, Cabbar Əsgərzadə, Mir Məhəmməd Fətullayev, Rəhim Xəlilov, Abbas Ağa Fərəcov, Məhəmməd Axundov və başqalarının milli pedaqoji kadrların yetişdirilməsində danılmaz əməyi gündəmə gətirildi, hər birinin xatirəsi hörmətlə yad edildi.

 

 

Vüqar Şahinoğlu
Versus.Az

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol