"Evlərimiz, ocaqlarımız elə münasibətlərimiz də həmişə isti olsun"

"Azəristiliktəchizat" ASC-də mətbuat katibi vəzifəsinə təyinat olub.

Versus.Az xəbər verir ki, sözügedən vəzifə Elvin Basqallıya həvalə olunub.

Bu barədə jurnalist özü də sosial şəbəkə hesabında paylaşım edib:

"Dəyərli dostlar, əziz həmkarlar və hörmətli abonentlər! "Azəristiliktəchizat" ASC-nin İctimaiyyətlə Əlaqələr üzrə Xidmətinin Rəhbəri kimi ilk sorğularımızı, müraciətlərimizi alıb, işə başlamışam. Evlərimiz, ocaqlarımız həmişə isti olsun, elə münasibətlərimiz də. Həm abonentlərimizin, həm də həmkarlarımızın müraciətlərini dərhal cavablandırmaq və həllinə çalışmaq qarşımda duran əsas vəzifədir".

Xatırladaq ki, tanınmış jurnalist bu vəzifəyə qədər Space televiziyasında Xəbərlər proqramının aparıcısı və Xəbərlər departamentinin rəhbəri kimi çalışıb. Bundan başqa, Xəzər Televiziyasında "Xəzər Xəbər" xəbərlər proqramının aparıcısı olub.

P.S. Həmkarımızı Versus.az İnformasiya Agentliyi olaraq təbrik edir və uğurlar arzu edirik.

Versus.Az