Bu istidə nə maska? - ETİRAZ

11:42 19-07-2022 | icon 547 | Cəmiyyət
Bu istidə nə maska? - ETİRAZ

Fuad Əliyev: "Yaxşı olar ki, kollektiv immunitet formalaşsın"

 

“Bir daha vətəndaşlarımıza qapalı məkanlarda tibbi maskalardan istifadə və gigiyena qaydalarına riayət etmələrini ciddi şəkildə tövsiyə edirik”.

 

Bu bəyanatı Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyinin birgə yaydığı məlumatda açıqlayıb.

 

TİA.Az-a danışan Azərbaycan Liberal Demokrat Partiyasının (ALDP) sədri Fuad Əliyev indiki halda qapalı məkanlarda tibbi maskadan istifadəyə etiraz edib.

 

 

ALDP liderinin sözlərinə görə, Operativ Qərargah qızmar yay mövsümünü, əhalinin karantin həyatından psixoloji olaraq bezdiyini nəzərə almalıdır:

 

“Bu istidə nə maska? İnsanlar çimərliklərə axışır, “d” vitamini alır, bir yandan dəhşətli istilər var, bu halda maska tələbini qüvvəyə mindirmək yersizdir. Həm isti səbəbindən maska əziyyət verəcək, həm də vətəndaşlar yorulublar. Yaxşı olar ki, kollektiv immunitet formalaşsın. Artıq qonşu ölkələr quru sərhədlərini də açıblar, üstəlik, yoluxma sayı o həddə deyil ki, maska istifadə edilsin”.

 

Fuad Əliyev hesab edir ki, Operativ Qərargah ictimaiyyətə epidemik vəziyyət haqda dürüst informasiya verməlidir:

 

“Mən üç səhiyyə qurumunun açıqlaması ilə tanış oldum. Fikrimcə, hökumətin pandemiya ilə mübarizədə kifayət qədər təcrübəsi var və prosesin qarşısını almaq üçün real addımlar ata bilər, amma maska, sms sistemi, metronu bağlamaq, ictimai iaşə obyektlərində iş saatını məhdudlaşdırmaq çarə deyil. Ötən dövr göstərdi ki, hər kəs maska taxır, amma yoluxanlar da artır”.

 

SEVDA
Versus.Az

Xəbər lenti

InvestAZ

Ən çox oxunan xəbərlər

"Azərbaycanın beynəlxalq aləmdə nüfuzu durmadan artır"

Brüssel görüşündə hərbi dəstək məsələləri müzakirə olunub?

“İran guya Azərbaycandan təhlükə gözləyirmiş kimi aranı qarışdırır”

Dünya rekordu vuran sirk ustası...

Rusiyada güclü daşqın

Əsən Ana əlləri

Şəhid Abdullazadə Həsənağanın valideynləri ilə görüş

Laçınlılardan atəşkəsin pozulmasına REAKSİYA

Ağdamda PARTLAYIŞ

Daha bir deputat səlahiyyətini İTİRİR

Hacı da olanda, belə Hacı olasan...

Nurcahan Hüseynova dünyasını dəyişdi

Yaşasaydı bu gün 68 yaşı tamam olacaqdı

Bu gün onun günüdür - Sevindik Hətəmov 61

Goranboy sakini evini satdı: Sosial yardımı DAYANDIRILDI