“Erməni silahlıları Laçın dəhlizindən çıxarılacaq”

13:31 06-08-2022 | icon 114 | Geopolitika
“Erməni silahlıları Laçın dəhlizindən çıxarılacaq”

Qabil Hüseynli: "Ermənistanla Rusiya öhtəliklərə uyğun davranış sərgiləmir"

 

Rusiya sülhməramlılarının müvəqqəti nəzarətində olan ərazilərimizdə erməni tör-töküntülərinin Azərbaycan hərbi bölmələrinə qarşı silahlı təxribatları davam edir. Artıq Qarabağda erməni silahlılarının və sərhəddə Ermənistan hərbçilərinin atəşkəsi pozması halları intensivləşib. Nəticədə avqustun 3-də və bu gün Azərbaycan Ordusu 3 şəhid verib.

 

Versus.az xəbər verir ki, bu istiqamətdə açıqlama verən politoloq Qabil Hüseynli bildirib ki, Azərbaycan tərəfi sülhə gəlməyən Ermənistan rəhbərliyini və onun Azərbaycan ərazilərində - Qarabağda qalan silahlı tör-töküntülərinin cavabını versə də, fakt budur ki, Ermənistan və Rusiya 10 noyabrda imzalanan atəşkəs sənədinə və o sənədə əsasən götürdüyü öhtəliklərə uyğun davranış sərgiləmir. Onun sözlərinə görə, Rusiya sülhməramlılarının Qarabağda missiyasını düzgün yerinə yetirə bilməməsi üzündən erməni silahlı qüvvələri daha da azğınlaşır.

 

Politoloq qeyd edib ki, postmüharibə dövründə aparılan danışıqlar prosesində, eləcə də müəyyən beynəlxalq tədbirlərdə iştirak edən Azərbaycan tərəfi rəsmi kürsülərdən çıxış edərək, Ermənistanı sülhə dəvət etməklə yanaşı, Zəngəzur dəhlizinin açılmasında hər hansı bir maniə olarsa Laçın dəhlizi məsələsinə yenidən baxacağını, Qərbi Azərbaycanlıların məsələsini də qaldıracağını birmənalı bəyan edib. Ermənistan isə öz hərbçilərini ərazilərimizdən çıxacağını elan etsə də, bu öhtəliyi də yerinə yetirmək istəmir:

 

“Məhz Rusiya sülhməramlılarının nəzarəti altında qalan Azərbaycan ərazilərində erməni silahlı dəstələrinin Azərbaycan əsgərinə atəş açması heç bir halda bağışlana bilməz. Rusiya üçtərəfli sazişə imza atıb və öz imzasına hörmətlə yanaşaraq erməni silahlılarının ərazilərimizdən çıxarılmasını təmin etməlidir”.

 

Q.Hüseynli bildirib ki, Laçına alternativ yolun çəkilişindən sonra Laçın dəhlizininın boşaldılması gündəmdir və görünən odur ki, ermənilər gərginlik yaratmaqla vaxtı uzatmağa cəhd edir.

 

Politoloq qeyd edib ki, artıq Laçının boşaldılması ilə bağlı qeyri-rəsmi məlumatlar yayılır. Amma hələ boşldılmayıb.  Sülhməramlılar isə bir çox hallarda fəaliyyətsizdir və missiyalarını yerinə yetirə bilmirlər:

 

“Son dövrlərdə Rusiya sülhməramlıları erməni silahlılarının çıxarılmasında maraqlı kimi görünməyə başlayıblar. Yaxşı başa düşürlər ki, erməni silahlı qüvvələrinin ərazilərdən çıxması onlar üçün rahat, yeni fəaliyyət yolu açacaq, daha çox hakimiyyətə sahiblənirlər”.

 

Politoloq ermənilərin öz mənfur iddialarından əl çəkmədiyini önə çəkib:

“Ermənilər yenə də söyləyirlər ki, Laçın dəhlizinə alternativ yol açılmayınca əraziləri boşalda bilməzlər. Mürəkkəb hadisələr baş verir. Hər halda Rusiya proseslərlə bağlı hələ ki, təmkinli mövqe sərgiləyir. Əslində, Putin Təhlükəsizlik Şurasının iclasını çağırdı və orada  müəyyən fikirlər söylədi, mediada Azərbaycan əleyhinə müəyyən hücumların şahidi olduq”.

 

Bu gün Soçidə Putinlə Rəcəb Tayyib Ərdoğanın görüşünün gözlənildiyini deyən Q.Hüseynli mühüm nəticələrin əldə olunacağına ümidlə yanaşıb:

 

“Gündəlikdə duran məsələ Qarabağdakı vəziyyət, Ermənistan-Azərbaycan arasında sülh müqaviləsinin bağlanması, Zəngəzur dəhlizinin açılması müzakirə olunacaq. Hər halda ümid edirik ki, cənab Ərdoğan 10 noyabr sazişinin yerinə yetirilməsini qətiyyətlə tələb edəcək və bununa bağlı ortaq mövqe ortaya qoyulacaq”. (hafta.az)

 

T.Qafarlı
Versus.az

Xəbər lenti

InvestAZ

Ən çox oxunan xəbərlər

Gülnarə Xəlilovanın "Xarıbülbül" və "Qarabağ" kolleksiyaları Rusiyada

Ermənistan bu fürsəti QAÇIRMAMALIDIR

Riyaz Sarıkahya Dövlət Bağçalı ilə görüşüb

İqtisadiyyat Nazirliyinə yeni səlahiyyət verilib

"Ordumuza və Prezidentə dəstək olaq"

Bu gün "Qarabağ" "Ferentsvaroş" matçı keçiriləcək

Meyitləri yandırmaq çətinləşəcək

Üç məhkumun gözləri ÇIXARILACAQ

Park Cinemadan uşaqlar üçün xüsusi NÜMAYİŞ

Bu gün daha 5 oyun keçiriləcək

Bakıda MER SEÇKİLƏRİ GÖZLƏNİLƏNDİR?

III təsnifat mərhələsinin ilk oyunları keçirilib

VAR müzakirələrini azarkeşlər də dinləyə biləcək

Günəşə yaxın yaşayış üçün uyğun planet

Erməni təxribatına qarşı tutarlı cavab...