Şimali Koreyadan yeni qanun

10:32 09-09-2022 | icon 447 | Dünya
Şimali Koreyadan yeni qanun

Ölkəyə atılan istənilən raketə nüvə silahı ilə cavab verilsin

 

Koreya Xalq Demokratik Respublikası (KXDR) qanunvericilik səviyyəsində özünü nüvə dövləti elan edib. Belə ki, Şimali Koreyanın 14-cü Ali Xalq Assambleyasının sessiyasında rəsmi olaraq “Nüvə silahı ilə bağlı siyasət” adlı fərman qəbul edilib.

 

Bu barədə Koreya Mərkəzi Teleqraf Agentliyi məlumat yayıb.

 

Qanuna əsasən, ölkə ona oxşar silahlardan və ya digər kütləvi qırğın silahlarından istifadə etməklə hücum ediləcəyi, eləcə də bu cür hücumun qaçılmaz təhlükəsi olduğu halda nüvə zərbəsi ilə cavab verəcək.

 

“Milli nüvə qüvvələrinin komandanlıq və nəzarət sistemi düşmən qüvvələrin hücumu təhlükəsi altında olarsa, avtomatik olaraq dərhal nüvə zərbəsi endiriləcək”, - deyə mətndə bildirilir.

 

Sənəd 11 bənddən ibarətdir. Onlar nüvə silahının təyinatı, nüvə qüvvələrinin tərkibi, onlara komandanlıq və nəzarət haqqında müddəaları ehtiva edir. Bundan əlavə, qaydalar nüvə silahının istifadəsi ilə bağlı qərarların icrası məsələlərini tənzimləyir. Fərmanda onun tətbiqinin, səfərbər edilməsinin, təhlükəsiz saxlanması və mühafizəsinin, kütləvi gücləndirilməsinin, yenilənməsinin və s. prinsip və şərtləri açıqlanıb.

 

KXDR lideri Kim Çen In Şimali Koreya parlamentinin iclasında çıxışı zamanı bildirib ki, ölkənin nüvə statusu indi geriyədönməzdir və ölkənin nüvəsizləşdirilməsi ilə bağlı müzakirələr artıq mənasızdır.

 

Respublika başçısı əlavə edib ki, Şimali Koreya ölkənin müdafiəsini sarsıtmağa və hökumətini devirməyə çalışan ABŞ-a görə heç vaxt nüvə silahından imtina etməyəcək.

 

Qeyd edək ki, BMT və Beynəlxalq Atom Enerjisi Agentliyi (BAEA) Şimali Koreyanın 2017-ci ildən bəri ilk dəfə olaraq nüvə sınağını keçirməyə hazırlaşmasından ehtiyat edir. Bunu ölkənin şimalındakı “Pungeri” yeraltı sınaq poliqonunda son aylarda qeydə alınan aktivlik göstərir. Peyk görüntülərindən aydın olur ki, 2018-ci ildə ABŞ ilə nüvəsizləşdirmə danışıqları zamanı sökülən tunellər təmir edilir və strukturlar yenidən qurulur. Onu da xatırladaq ki, KXDR 2006-2017-ci illərdə “Pungeri” poliqonunda altı nüvə sınağı həyata keçirib.

Xəbər lenti

InvestAZ

Ən çox oxunan xəbərlər

Xocalı soyqırımı dünya müstəvisində anılmadıqca…

MMP "Ana harayı" abidəsini ziyarət etdi

Sümük xəstəliklərindən əziyyət çəkənlər OXUSUNLAR

Xocalı faciəsinin 32-ci ildönümünə həsr olunmuş FLƏŞMOB

Xocalı soyqırımı ABŞ mətbuatında və beynəlxalq hesabatlarda

Qarabağ Universitetində işləmək istəyənlərin NƏZƏRİNƏ

Xocalı soyqırımından 32 il keçir

Nazir gənc yazarla görüşüb

“CineMastercard” təqdim olunur

"Xocalı faciəsi: bu qan yerdə qalmadı” - ELMİ KONFRANS

Röya beynəlxalq musiqi festivalının açılışında çıxış edəcək

Bakı-Quba yolunda avtomobil aşıb

Lalə Məmmədovadan “Darıxmışam” - KONSERT

Rekord sayda BİLET SATIŞI

Jurnalistlərin akkreditasiyası ilə bağlı qaydaya DƏYİŞİKLİK