Qastritin səbəbləri və fəsadları – HƏKİM MƏSLƏHƏTİ

12:00 10-09-2022 | icon 521 | Sağlamlıq
Qastritin səbəbləri və fəsadları – HƏKİM MƏSLƏHƏTİ

Nərminə Abbasova: “Xəstəliyin qarşısını almaq onun fəsadları ilə mübarizə aparmaqdan daha asandır”

 

“Mədənin selikli qişasının iltihabi prosesi ilə xarakterizə olunan Qastrit xəstəliyini kəskin və xroniki formalara ayırırlar. Uşaqlarda qastrit ən çox orqanizmin intensiv böyüməsi (5-6, 9-12 yaş) dövründə yaranır”.

 

Bu sözləri Versus.Az-a qastrit xəstəliyinin yaranma səbəbləri və fəsadlarından danışan MayoMed Medikal Fizioterapiya və Reabilitasiya Mərkəzinin təsisçisi və baş həkimi, ailə həkimimiz, terapevt NƏRMİNƏ ABBASOVA bildirib.

 

Qastritin növlərindən bəhs edən həkim-terapevt səthi qastriti (yalnız selikli qişa iltihablanır), eroziv qastriti (qişanın eroziv zədələnməsi), atrofik qastriti (mədənin selikli qişasının kiçilməsi), fleqmonoz qastriti (mədə xorasının və ya xərçənginin ağırlaşması, iltihabi prosesə mədənin bütün qatları məruz qalır) önə çəkdi.

 

Nərminə xanım qastrit xəstəliyinin mədə divarının daxili qişasının iltihablanması nəticəsində yarandığını vurğuladı. Onun sözlərinə görə, kəskin qastritin yaranma səbəbləri toksik qida infeksiyaları, həddindən artıq qida qəbulu, həddindən artıq alkoqol qəbulu, siqaret, dərman preparatları ilə selikli qişanın qıcıqlandırılması, qida allergiyası, stresslər, həddindən artıq yorulma, xroniki yuxu çatışmazlığıdır:

 

 

“Xroniki qastritin səbəbləri isə kəskin qastritin lazımi şəkildə müalicə olunmaması, qidalanma rejimində uzunmüddətli pozuntular, tez-tez acı və sərt qida qəbulu, qidanın yaxşı çeynənilməməsi, irsi meyillikdir.

Qastrit xəstəliyi üçün xarakterik olan simptomlara gəlincə, bunlar qida qəbulu zamanı qarının yuxarı hissəsində yaranan və ya yoxa çıxan güclü ağrılar, gəyirmə, ürəkbulanma, qusma, meteorizm, sürətli çəki itkisidir. Özünüzdə oxşar simptomları aşkarladığınız halda, dərhal həkimə müraciət edin. Xəstəliyin qarşısını almaq onun fəsadları ilə mübarizə aparmaqdan daha asandır”.

 

Nərminə xanım deyir ki, qastritin müalicə üsulunu müəyyən etmək üçün xəstə mədənin ultrasəs müayinəsi, ezofaqoqastroduodenoskopiya, mədənin selikli qişasının biopsiyası, mədə sekresiyasının müayinəsi, klinik qan analizi və qarın boşluğunun rentgenoqrafiyasından keçməlidir.

 

Qastritin təhlükəsindən danışan terapevt qeyd etdi ki, qastritin ağırlaşmasının müalicəsinə vaxtında başlanılmasa, bu, xəstəliyin xroniki formasının inkişafına və digər ağırlaşmalara gətirib çıxaracaq. Məsələn, mədə qanaxmaları, mədə xorası yaranacaq. Xroniki qastrit öz növbəsində, mədə xərçənginə gətirib çıxarır.

 

 

 

DİQQƏT!

 

Həkim terapevt Nərminə Abbasova qastrit xəstəliyindən əziyyət çəkən hər kəsi müalicə üçün MayoMed Medikal Fizioterapiya və Reabilitasiya Mərkəzinə dəvət edir. Burada sizi mütəxəsislər qarşılayacaqlar.

 

Maraqlananlar aşağıda göstərilən əlaqə nömrələri ilə əlaqə saxlasınlar:

 

TEL: (012) 464 86 93; 464 86 94; 464 86 95
MOB: (051) 866 02 20; (051) 567 66 96

ÜNVAN: Bakı, Nərimanov, Əhməd Rəcəbli-207.

 

PƏRİ
Versus.Az

Xəbər lenti

InvestAZ

Ən çox oxunan xəbərlər

Siyasi sabitliyi, dialoq mühitini ifadə edən GÖRÜŞ

"Sülhməramlılarla bağlı səslənən iddialar absurddur"

"Kilsə Rusiyanın son variantı idi"

Deputat siyasi partiyaların fəaliyyətindən DANIŞDI

Ayda 376 manata mənzil almaq istəyənlərin NƏZƏRİNƏ

Siyasi partiyalarla dövlət orqanlarının konstruktiv əməkdaşlığının inkişafı - MÜZAKİRƏ

Füzuli və Ağdamın 28 kəndində vətəndaşlara müavinətin ödənilməsi niyə dayandırılıb?

Bu məktəb binası BOŞALDILIR

Azərbaycanda keçirilən nüfuzlu beynəlxalq TƏDBİRLƏR

Azərbaycan-İran birgə layihələrindən GÖZLƏNTİLƏRİMİZ

Magistraturaya qəbulun yekun NƏTİCƏLƏRİ

İdmançılarımız Abu Dabidən qələbə ilə döndü

“CineMastercard”da “Çingene kızı Zeugma” - QALA GECƏSİ

“Qarabağ”ın oyununda QADIN HAKİMLƏR

“Yeni Kalidoniya Bakı Təşəbbüs Qrupuna güvənir”