Jurnalistə mətbuat katibi vəzifəsi verildi

“1news” İnformasiya Agentliyinin əməkdaşı jurnalist Babək Cahandar saytdakı fəaliyyətini dayandırıb.

Versus.Az xəbər verir ki, bu barədə jurnalistin özü şəxsi "facebook" hesabında paylaşım edib.

Babək Cahandar yazır:

"Dostlar, bir xəbəri sizinlə bölüşmək istəyirəm. Yeddi ilə yaxındır fəaliyyət göstərdiyim “1news” İnformasiya Agentliyindəki işim sona çatdı. Orada çalışan və mənə əziz olan dostlarımın hər birinə gələcək fəaliyyətlərində uğurlar arzulayıram.

Artıq fəaliyyətimi Qarabağ Dirçəliş Fondunda PR və kommunikasiya üzrə koordinator, mətbuat katibi kimi davam etdirəcəm. Ümid edirəm ki, dəyərli həmkarlarımın da dəstəyi ilə mənə göstərilən bu yüksək etimadı doğrulda biləcəm. Xeyirlisi İnşAllah!"

Versus.Az İnformasiya Agentliyi olaraq həmkarımıza uğurlar arzulayırıq.

Versus.Az