Muzeydə Anım Gününə həsr olunmuş tədbir keçirilib

15:14 23-09-2022 | icon 374 | Cəmiyyət
Muzeydə Anım Gününə həsr olunmuş tədbir keçirilib

Bu gün Milli Azərbaycan Tarixi Muzeyində 27 sentyabr - Anım Gününə həsr olunmuş tədbir keçirilib.

 

Versus.Az xəbər verir ki, tədbirdə şəhid ailələri, qazilər, Böyük Qayıdış Gənclər Təşkilatı İctimai Birliyinin üzvləri və muzey əməkdaşları iştirak ediblər.

 

Azərbaycan Respublikasının Dövlət Himni səsləndirildikdən sonra, tədbir iştirakçıları ölkəmizin azadlığı və ərazi bütövlüyü uğrunda şəhid olan hərbiçilərimizin xatirəsini bir dəqiqəlik sükutla yad etdilər.

 

Tədbiri giriş sözü ilə açan muzeyin icraçı direktoru, t.ü.e.d., dosent Fərhad Cabbarov qonaqları salamlayaraq, tədbir iştirakçılarına şanlı tariximizdən, torpaqlarımızın azad edilməsində misilsiz xidmətləri olmuş Vətən Müharibəsi şəhidləri və qazilərinin göstərdikləri qəhrəmanlıqlardan söhbət açıb, şəhidlərin əziz xatirəsini yad edib.

 

F.Cabbarov şəhid və qazilərimizin şəxsi əşyalarının muzeyin Vətən Müharibəsi fondunda qorunduğunu və tarixi qələbəmizi əks etdirən bu materialların öyrənilməsi və təbliği istiqamətində işlərin görüldüyünü xüsusi vurğuladı.

 

Daha sonra muzeyin baş direktoru, akademik Nailə Vəlixanlı Vətən Müharibəsinin qazilərini və şəhid ailələrinin üzvlərini salamlayaraq, xalqımızın daim onlara borclu və minnətdar olduğunu bildirib.

N.Vəlixanlı muzeyin bu şanlı tarixin əbədiləşdirilməsi istiqamətində gördüyü işlərdən danışaraq, muzeydə 2021-ci ilin əvvəlində Vətən Müharibəsi fondunun yaradıldığını, həmçinin ölkədə ilk dəfə olaraq 44-günlük müharibənin tarixini əks etdirən sərginin açıldığını qeyd etdi.

N.Vəlixanlı vurğuladı ki, bu kimi tədbirlərin keçirilməsində əsas məqsəd gəncləri Vətənə məhəbbət ruhunda tərbiyə etmək, onlarda vətənpərvərlik, xalqa, torpağa bağlılıq hissini yüksəltmək, həmçinin, Vətən Müharibəsi şəhidlərinin və qazilərinin gənclər arasında tanıdılmasından ibarətdir.

 

Vətən Müharibəsində qəhrəmancasına şəhid olmuş hərbiçilərimizin ailə üzvləri və qazilər tədbirdə çıxış edərək, müharibə zamanı onların keçdikləri döyüş yolları, qazanılan möhtəşəm Zəfər haqqında öz təəssüratlarını tədbir iştirakçıları ilə bölüşüblər.

 

Sonda qonaqlar muzeydə nümayiş olunan “Silahların mistik gözəliyi” adlı sərgi ilə tanış olub və xatirə fotosu çəkilib.

 

Qeyd edək ki, Vətən Müharibəsində qəhrəmancasına döyüşmüş, canlarını torpaqlarımız uğrunda fəda etmiş bütün şəhidlərimizə dərin ehtiram əlaməti olaraq, Azərbaycan Respublikasının Prezidenti İlham Əliyevin 2020-ci il 2 dekabr tarixli Sərancamı ilə hər il sentyabrın 27-si Azərbaycan Respublikasında Anım Günü kimi qeyd edilməsi qərara alınmışdır.

 

 

Ayəndə Dadaşova
Versus.Az

Xəbər lenti

InvestAZ

Ən çox oxunan xəbərlər

"Laçında bərpa işləri sürətlə davam edir"

“Azadlıq fədaisi”nin növbəti mükafatçısı - SORĞUYA START

"Bu gün Ermənistan narahat olmalıdır"

Erməni silahlılar Qarabağdakı mövqelərimizi atəşə tutdular

 

Brüssel görüşündən imtina... -siyasilərdən birmənalı mövqe

Kəlbəcər, Laçın və Ağdamdakı mövqelərimiz ATƏŞƏ TUTULUB

DTX Naxçıvanda daha bir qurumda əməliyyata başladı

Şuşa könüllüləri Şuşa üçün hazırlaşırlar

Bakıya meydan oxuyan “sülhməramlılar”

Qrup mərhələsinin III turunda daha dörd oyun keçiriləcək

Mundiallar tarixində İLK

Şəhid ailələri və qazilər üçün daha 400-dən çox fərdi evin tikintisi yekunlaşıb

DTX-nın NAXÇIVAN ƏMƏLİYYATI

Bakıda Kuzey Kıbrıs Türk Cümhuriyyətinin 39-cu ildönümü qeyd olundu

Fransızlar və amerikalılar ATƏT-in Minsk qrupunu dəfn etdilər