"Sən kimsən axı xalqın adından danışırsan?" - MÜSAHİBƏ

12:21 06-12-2022 | icon 347 | Siyasət
"Sən kimsən axı xalqın adından danışırsan?" - MÜSAHİBƏ

Fuad Əliyev: "Oturub təhlil etmək əvəzinə, söyüş, təhqir edirlər"

 

Siyasi partiyaların fəaliyyətində aktivlik nümayiş olunmur. Yalnız sosial şəbəkə üzərindən siyasət yürüdən siyasilər də var ki, onlar özlərini həmişəki kimi daha önəmli qüvvə olaraq görməkdədilər. "Siyasi partiyalar haqqında" qanun layihəsində müəyyən bəndlərlə razılaşmayan partiya sədrləri hələ ki, son qərarın necə olacağı ilə bağlı gözləmədədilər.

 

Versus.Az xəbər verir ki, bu kimi məsələlərlə bağlı müsahibə verən Azərbaycan Liberal Demokrat Partiyasının (ALDP) sədri Fuad Əliyev maraqlı nüanslara diqqət çəkib.

 

- Fuad bəy, bu gün ölkədə ictimai-siyasi vəziyyət hansı mühüm amillərlə təzahür olunur. Siyasi partiyaların vəziyyəti necədir, dəyişiklik varmı?

 

- Azərbaycan Liberal Demokrat Partiyası olaraq, çalışırıq ki, yeni üzvlər cəlb edək. Bu baxımdan “Siyasi partiyalar” haqqında yeni qanunun müzakirəsi, ehtimal etdiyimiz proporsional seçki sistemin bərpası, bizə yeni üzvlərin cəlb olunmasında təkan verdi. Rayon təşkilatlarında bir az canlanma başlandı. Hesab edirəm ki, yuxarıda qeyd etdiyim məsələlər öz həllini tapsa, fəaliyyətimiz daha aktiv fazaya keçəcək.

 

- Son vaxtlar sosail-iqtisadi problemləri qeyd edən bir çox siyasilər, eləcə də siz bildirisiz ki, sosial problemlər cəmiyyətdə siyasi aktivliyi artıra bilər və proseslər ona doğru gedir. Bəs bu aktivlik siyasi partiyaların özündə niyə müşahidə edilmir?

 

- Səbəblərdən biri 2002-ci ildə referendum yolu ilə proporsional seçkinin ləğv olunmasıdır. Demək olar ki, bununla da siyasi partiyaların aktiv fəaliyyətinə son qoyuldu. Siyasi partiyaların daxilində belə sağlam rəqabət mühiti sıfıra enərək passivlik yarandı. Bir neçə aparıcı simalar partiyalardan uzaqlaşdılar. Bu proses çox partiyalarda müşahidə olundu. Müxalifət liderlərinin özünün apardığı səhv siyasət nəticəsində müxalifətə inam itdi. Bütün bu neqativlər ona gətirib çıxardı ki, bu gün vətəndaşlar siyasi partiyaya başqa gözlə baxır. Bəzi partiyalar ki, müxalifətdə ola-ola gedib hakimiyyətlə gizli iş birliyi yaradıb oturdular parlamentdə, yaxud başqa maddi üstünlüklər əldə ediblər, məhz onlar müxalifətə olan etimadı məhv ediblər. Bütün bunları vətəndaşlar bilir və danışır. Vətəndaş gördü ki, bu müxliafət səmimi deyil və bunlara görə aldanıblar. Ona görə də biz sosial məsələlərlə bağlı mövzularla insanları ətrafımıza yığmaqda, vətəndaşın inamını bərpa etməkdə çətinlik çəkirik. Bəzi partiyalar indi də sosial problemlərdən istifadə edib öz ambisiyaları üçün çalışırlar. Onların aktivliyi vətəndaşın xeyri üçün yox, öz şəxsi maraqlarından irəli gəlir. 30 ilə yaxındır ki, eyni sözlər, eyni fikirlər səsləndirirlər və əvəzinə heç nə təklif etmirlər.

 

- Bəzən siyasi partiyaların liderlərinə xaricdə olan bloggerlər tərəfindən tribuna ayrılır. Və bir çox hallarda da o tribunalardan ölkəyə neqativlərin sızıldığı müşahidə edilir. Xaricdən ölkəyə ötürülən bu kimi hallar nəyə hesablanır?

 

- Siyasi partiyalara çıxış etmək üçün çox böyük tribuna verilib. İnternet televiziyaları, saytlar buna misal ola bilər. Amma çox vaxt bir çox bloggerlər bu vasitələrdən düzgün yararlanmırlar. Azadlıq o demək deyil ki, ağzına nə gəldi danışa bilərsən! Bizdə bəziləri AZADLIQ anlayışını tamam başqa cür qəbul edirlər. Elə bilirlər ki, azadlıq verilibsə, nə istəsə deyə bilər, necə istəsə hərəkət edə bilər. Hesab edirəm ki, biz hakimiyyətlə mübarizə aparırıqsa, onun da bir qırmızı xətti olmalıdır. Xaricə qaçıb özlərinə bir “youtube” kanalı açıb özləri üçün danışırlar. Onların keçmişinə baxanda görürsən ki, çoxu çirkaba bulaşmış, mənəviyyatsız adamlardır. İndi də ordan hakimiyyətə qarşı məsuliyyətsiz çıxışlar edirlər. Bu artıq hakimiyyətə qarşı deyil, dövlətə qarşı qərəzdir. Səviyyəsiz, məsuliyyətsiz çıxışlardır. Orada normal biri yoxdur ki, oturub ölkədəki vəziyyəti təhlil etsin. Azərbaycanda çox ciddi proseslər gedir. Oturub təhlil etmək əvəzinə, söyüş, təhqir edirlər. İndi sən oradan cəmiyyətə, insanalara nə ağıllı mesaj verirsən ki, otururb səni dinləsinlər. Sən kimsən axı xalqın adından danışırsan. Sizin nə ağlınız, nə savadınız, nə də ki mənəviyyatınız buna imkan verir.

 

PƏRİ
Versus.Az

Xəbər lenti

InvestAZ

Ən çox oxunan xəbərlər

MCP-dən İLİN YEKUNLARI

Sahil Babayev DOST mərkəzinin bağlanmasını Prezidentdən NİYƏ GİZLƏDİR?

Qırmızı qurd eşənəyi - hər xəstədə fərqlidir

Həqiqətdən uzaq, saxta məlumatlara əsaslanan QƏTNAMƏ

Qidalara qatılan bu maddə diabet əmələ gətirir

Deputat etiraz etdi

Türkiyədə təhsil almaq istəyənlərin NƏZƏRİNƏ

“Sevda mecburi istikamet”in qala gecəsi baş tutub

“Toppuş bacı” haqqında maraqlı faktlar

Azərbaycana qarşı məkrli, maraqlı ölkələr

Çürük dişlərin yaratdığı bəla

Xərçəngdən ən yaxşı qoruyan meyvə

Mələyin heykəli oğrulardan “qisasını aldı”

Daha üç qadın jurnalist saxlanıldı

Pensiyalar 15 faiz artacaq