MCP-nin hüquqi məsləhət kampaniyası davam edir

16:22 06-02-2023 | 277 | Cəmiyyət

Milli Cəbhə Partiyasının (MCP) qərargahında vətəndaşlara təmənnasız hüquqi məsləhət kampaniyası davam edir.

MCP-nin sədr müavini, hüquqşünas Vüqar Dadaşov Versus.Az-a bildirib ki, bu dəfə vətəndaşların banklarda problemli kreditləri ilə bağlı məsələlərə baxılıb.

Hüquqşünasın sözlərinə görə, MCP sədri, deputat Razi Nurullayevin şəxsi müdaxiləsi ilə bir sıra məsələləri həll edilib:

"Yeri gəlmişkən qeyd edək ki, problemli kreditlərin həllində Əmanətlərin Sığortalanması Fonduna etdiyimiz müraciətlər qısa zamanda həll edilir və buna görə də fonda təşəkkür edirik".

V.Dadaşov vurğulayıb ki, Milli Cəbhə Partiyasının (MCP) qərargahında vətəndaşa təmənnasız hüquqi məsləhət kampaniyası davam edir:

"Həftənin 1-ci və 5-ci günləri, saat 11:00-dan 14:00-a kimi vətəndaşlara təmənnasız hüquqi məsləhətlər verilir. Ünvanımız Lider TV-nin binası, 9-cu mərtəbədə yerləşir".

XÜSUSİ QEYD: Müraciətlərin çoxluğunu və forma müxtəlifliyini nəzərə alaraq bildirək ki, "hüquqi məsləhət" dedikdə məhkəmə prosesində iştirak nəzərdə tutulmur. Vətəndaş müraciət etdiyi məsələdə maarifləndirilir, ona üzləşdiyi problemlərin həllində hüquqi məslət verilir.

PƏRİ
Versus.Az