CinemaPlus”da Türk komediyası

Bakı, 12 aprel: “CinemaPlus” kinoteatrlar şəbəkəsində 13 aprel tarixindən etibarən Türkiyənin “Hava Muhalefeti” komediyasının nümayişi başlayır.

Versus.Az xəbər verir ki, filmin rejissoru Murat Kepezdir. Baş rollarda Ali Sunal, Doğa Rutkay, Ege Kökenli, Burak Hakkı çəkilib.

Film haqqında qısa məlumatı diqqətinizə çatdırırıq:

Millət vəkilliyinə namizəd olan Cemil Yıldırım sevgilisi Gözde ilə həftəsonu tətili planlayır. Ancaq Bodruma uçan təyyarəyə mindikləri zamandan etibarən, sadə həftəsonu tətili böyük və əyləncəli səyahətə çevrilir. Həm Cemil və Gözde, həm də təyyarədəki digər sərnişinlər onları gözləyən sürprizdən xəbərsiz olaraq gülə-gülə yola çıxırlar.

“CinemaPlus” kino tarixinin ən yaxşı premyeraları ilə sizi sevindirməyə və xoş sürprizlər etməyə həmişə hazırdır.

Ayəndə Dadaşova
Versus.Az