Uşağa yazıq, bizə yazıq, cəmiyyətə yazıq...

17:38 02-05-2023 | icon 2966 | Köşə
Uşağa yazıq, bizə yazıq, cəmiyyətə yazıq...

Acığını o uşaqdan çıxdı, öz həyatını məhv etmək bahasına...

ÜLVİYYƏ ABIŞOVA

 
 

Gecə videoya baxdım... Adətən zorakılıqla bağlı videolardan, kadrlardan qaçıram. Lakin burda söhbət azyaşlı uşaqdan gedirdi. Və eşidən andan fikirləşirdim ki, bu necə məşqçidi, ayarını bilməyib, məşqdə uşaq ölüb.

 
 
Baxdım - sivil bütün qaydalar, qanunlar keçdi mənim üçün arxa plana. Bu, bir uşaq üzərindən həyatının bütün ağrı-acısını, əsəbini, incikliklərini, çatışmazlıqlarını - bir sözlə, həyatda yaşadığı bütün neqativlərin acığını çıxmaq idi... Bu, qəsd idi... Bu, anormaldı... Bu, uşağı bilərəkdən öldürməkdir... Bu, dəhşətdir...
 
 
Bu, işin görünən tərəfi. İşin məni daha çox yandıran tərəfi - valideynlər... Zənn eləmirəm ki, bu "məşqçi" birdən-birə belə vəhşiyə dönüb. İllah ki uşaqlarla davranışında anormallıqlar olub. Valideynlər heçmi hiss etməyiblər ki, uşaqlarını etibar etdikləri kəs uşaqlarla, yumşaq desək, kobud rəftar edir. Valideynlər kaş ki, biraz diqqətli olsalar. Az, biraz. O zaman inanın ki, belə vəhşiliklərin şahidi olmarıq...
 
 
O qatil də zamanında yəqin ki, özü də qurban olub. Və bu gün həyatının acığını o uşaqdan çıxdı, öz həyatını məhv etmək bahasına. Birisi də çıxıb onu öldürsə, təəccüblənmərəm...
 
 
Bir də bütün işlərdə hazır dayanan malakeşlər var, işi malalasınlar. O qatilin yaxının da, ki deyir, -"idmandı da, qol da sınar, ayaq da sınar" və sair cəfəngiyyat - ürəyimdən keçənləri yazmayım. Zatən hər kəs anladı.
 
Uşağa yazıq, bizə yazıq, cəmiyyətə yazıq...

Xəbər lenti

InvestAZ

Ən çox oxunan xəbərlər

Regionda yeni cəbhə AÇILIR?

"YENİ XƏTT"dən mitinq çağırışlarına qarşı BƏYANAT

Tibb elminə həsr olunmuş ömür...

Vətəndaşları işə düzəltmə adı ilə necə aldadırlar?

Ölümün qorxduğu cərrah - Mübariz Əliyev - 65

Böyük alim, sədaqətli ömür gün yoldaşı, qayğıkeş ana...

Ermənistanın buqələmun siyasəti

Xalq artistlərinin möhtəşəm gecəsi

DREAM Fest 2024-ə 100 gün qaldı

Radikalların QRANT SAVAŞI BAŞLAYIR

“İran-İsrail arasındakı müharibə hər an şiddətlənə bilər”

Nura Surinin “Dünyaya qəribəm” klipi

“Həmkarlar”ın üzvü deyilsənsə, heç kim hüquqlarını müdafiə etməyəcək”

İncəsənətimizin RAMİZİ…

Məişət zorakılığından zərər çəkmiş şəxslərlə bağlı