Xalq artistinin anım günüdür

16:49 09-06-2023 | icon 312 | Mədəniyyət
Xalq artistinin anım günüdür

Bu gün kino rejissoru, aktyor və Azərbaycanın Xalq artisti Ramiz Əzizbəylinin anım günüdür.

 

Versus.Az xəbər verir ki, o, 20 iyul 1948-ci ildə Bakı şəhərində anadan olub.

 

M.A.Əliyev adına Azərbaycan Dövlət Mədəniyyət və İncəsənət İnstitutunun Mədəni-maarif fakültəsini bitirib. 1987-ci ildə “Debüt” studiyasında çəkdiyi “Pirverdinin xoruzu” qısametrajlı bədii filmi ilə rejissorluq fəaliyyətinə başlayıb. 1991-ci ildə isə “Bəxt üzüyü” tammetrajlı bədii filmini çəkib. Film kinoteatrlarda nümayiş olunan ən baxımlı kassa filmi və yeni tariximizdə çəkilən ilk ən gəlirli kino işi kimi yadda qalıb.

 

Ramiz Əzizbəyli “Qanlı zəmi” filmində “Koxa”, “Bəyin oğurlanması” filmində “İsabala”, “Qayınana” filmində “dişi ağrıya”n, “Qərib cinlər diyarında” “Əxras”, “Köhnə bərə” filmində “Kamil”, “İntizam” filmində “Babayevin tanışı”, “Dərviş parisi partladır” filmində “nökər” rolunu oynayıb.

 

Azərbaycan kino sənətinin inkişafındakı xidmətlərinə görə 18 dekabr 2000-ci ildə Azərbaycanın Əməkdar artisti, 1 avqust 2008-ci ildə isə Azərbaycanın Xalq artisti fəxri adlarına layiq görülüb. 1 avqust 2018-ci ildə “Şöhrət” ordeni ilə təltif olunub.

 

Xalq artistinin səhhətində uzun müddət problemlər olub. O, üç dəfə insult keçirib. Yüksək qan təzyiqi və şəkərdən əziyyət çəkib. Koronavirusa yoluxan sənətkar Zığ qəsəbəsində yerləşən modul tipli hospitala yerləşdirilib. Və orada olduğu müddətdə infarkt keçirib.

 

Ramiz Əzizbəyli 9 iyun 2021-ci ildə vəfat edib, Qurd qapısı qəbiristanlığında dəfn edilib.

Xəbər lenti

InvestAZ

Ən çox oxunan xəbərlər

Prezident onu MÜKAFATLANDIRDI

"Bu uğurların, qələbələrin stansiyasının inşasına 15 iyundan başlanıldı"

Röyanın doğum günündə “Sərxoşam” - KLİP

Azərbaycanda Milli Qurtuluş Günüdür

Xalq artisti şagirdlərlə görüşdü

Şuşa Bəyannaməsinin imzalanmasının üçüncü ili

Qəbul imtahanının NƏTİCƏLƏRİ

Ajda Pekkan 60 illik arzusunu gerçəkləşdirdi

Bayram tətili BAŞLADI

Naxçıvan yenidən ATƏŞƏ TUTULDU

"Kəpəz" 2 futbolçu ilə yollarını ayırdı

“Şagirdlərin dərs yükü gələn ildən azaldıla bilər”

Milli Qurtuluşdan Şuşa Bəyannaməsinə gedən ŞƏRƏFLİ TARİX

Şuşa Bəyannaməsi və onun əhəmiyyəti

Qurban ətini neçə müddət saxlamaq olar?