MDB çərçivəsində əməkdaşlığın ƏHƏMİYYƏTİ

10:39 16-10-2023 | icon 227 | Siyasət
MDB çərçivəsində əməkdaşlığın ƏHƏMİYYƏTİ

Prezident İlham Əliyevin növbəti dəfə Bişkekə səfər etdi. Müstəqil Dövlətlər Birliyinin Dövlət Başçıları Şurasının iclasında iştirak edən dövlətimizin başçısı səfər çərçivəsində ayrıca Rusiyanın Prezidenti ilə də görüşdü. Görüşdə həm ikitərəfli əlaqələrin inkişafı və həm də Rusiya sülhməramlı qüvvələrinin müvəqqəti yerləşdiyi Qarabağ ərazisindəki mövcud durum müzakirə olundu.

 

Azərbaycan Avrasiya miqyasında yaradılmış çoxsaylı əməkdaşlıq formatlarında təmsil olunur. Ölkəmiz bərabərhüquqlu əməkdaşlıq etməyə hazır olan bütün təşkilatlarla qarşılıqlı münasibətlərini daim inkişaf etdirir. MDB ölkələri ilə əməkdaşlıq da ölkəmizin xarici siyasət vektorlarından biri kimi daim inkişaf etdirilməkdədir.

 

MDB 1991-ci ildə yaradılmasına baxmayaraq Azərbaycan bu təşkilata yalnız 1993-cü ilin sentyabrında üzv oldu. Bu, Ulu Öndər Heydər Əliyevin hakimiyyətə qayıdışından sonra atdığı ilkin strateji addımlardan biri idi. O zaman ölkəmizin MDB-yə üzv olmasına cəmiyyətin müxtəlif təbəqələri tərəfindən fərqli yanaşmalar vardı. Heydər Əliyev Ermənistanın bu təşkilatda üzv olduğunu nəzərə alaraq bu təşkilat çərçivəsində Azərbaycana qarşı gözlənilən təzyiqlərin qarşısını almaq və birliyin imkanlarından maksimum dərəcədə Azərbaycanın mənafeyinə uyğun faydalanmaq məqsədilə belə bir strateji seçim etdi. Zaman Heydər Əliyev seçiminin ən doğru yol olduğunu göstərdi.

 

Versus.az xəbər verir ki, bu fikirləri Milli Məclisin deputatı Cavanşir Feyziyev söyləyib.

 

O qeyd edib ki, ölkəmizi MDB məkanı ilə yaxından əməkdaşlığa cəlb edən bir sıra mühüm amillər var. Onlardan biri sovet dönəmində bu ərazidə yerləşən respublikalarla iqtisadi-ticari iş birliyimiz və tarixi işgüzar əlaqələrin bərpası və fayda gətirmək potensialının olmasıdır. Digər önəmli amil MDB ərazisində bütövlükdə bir milyondan çox soydaşımızın yaşamasıdır ki, onların Vətənlə daimi əlaqəsini təmin etmək üçün ölkələrimiz arasında səmimi dostluq münasibətlərinin formalaşdırılmasına ehtiyac var. Bu baxımdan Prezident İlham Əliyev tərəfindən müəyyən olunmuş MDB çərçivəsində əməkdaşlıq siyasətində mədəni-humanitar əlaqələr xüsusi yer tutur.

 

“Daha bir önəmli amil isə MDB üzvü olan ölkələrin dördünün məhz dövləti olmasıdır. Həmin dövlətlərlə Türk Dövlətləri Təşkilatındakı tərəfdaşlığımız MDB platformasında da yaxından əməkdaşlıq etməyimiz üçün münbit zəmin yaradır. Bu baxımdan Orta Dəhliz boyunca yerləşən MDB üzvü olan türk dövlətləri ilə əlaqələrimizin MDB formatında da ən geniş şəkildə inkişaf etdirilməsi prioritet istiqamətlərdən biridir. Prezident İlham Əliyevin Türk Dövlətləri Təşkilatının möhkəmləndirilməsinə və inkişaf etdirilməsinə verdiyi əhəmiyyət MDB çərçivəsində aparılan siyasətlə də uğurlu şəkildə uzlaşdırılır.

 

MDB çərçivəsində əməkdaşlığımız qarşılıqlı faydalı əməkdaşlığa söykənir. İqtisadi əlaqələrimizin möhkəmlənməsi müsbət nəticə verir. Keçən il Azərbaycanla MDB ölkələri arasında əmtəə dövriyyəsinin həcmi təxminən 30 faiz artıb. Bu il isə artım hələlik 20 faizdən çoxdur. Azərbaycan MDB-nin bir çox ölkələri üçün tranzit-nəqliyyat sahəsində etibarlı tərəfdaşdır. MDB-yə üzv olan ölkələr Şərq-Qərb və Şimal-Cənub nəqliyyat dəhlizləri üzrə Azərbaycanın tranzit imkanlarından fəal istifadə edirlər. Azərbaycan ərazisində kəsişən Şərq-Qərb və Şimal-Cənub nəqliyyat dəhlizlərinin ötürmə qabiliyyətinin genişləndirilməsi üzrə həyata keçirilən layihələr bütün MDB üzvlərinin nəqliyyat təhlükəsizliyinin möhkəmlənməsinə və əmtəə dövriyyəsinin artırılmasına xidmət edir”, - deyə deputat bildirib.

 

Onun sözlərinə görə, bütün bunlarla yanaşı, Azərbaycan MDB çərçivəsində siyasi və iqtisadi əlaqələrini yalnız ölkəmizin siyasi məqsədlərinə müvafiq şəkildə və ölçüdə reallaşdırır. Odur ki, Azərbaycan Respublikası MDB iştirakçı-dövlətləri ilə əməkdaşlığın daha çox ikitərəfli əsasda davam etdirilməsinə üstünlük verir. Bununla yanaşı, Azərbaycan Respublikası MDB çərçivəsində siyasi, iqtisadi və humanitar sahələrdə ölkəmiz üçün maraq kəsb edən məsələlər üzrə əməkdaşlığın davam etdirilərək, bu təşkilata üzv dövlətlər arasında qarşılıqlı dialoq məkanı kimi çıxış etməyə çalışır.

 

“MDB Dövlət Başçılarının budəfəki sammitində qarşılıqlı əhəmiyyət kəsb edən bir sıra məsələlərin müzakirəsi ilə yanaşı, həm də Azərbaycanın 2025-ci ildə üçüncü MDB Oyunlarının keçirilməsi üzrə namizədliyi qeydə alındı. Ölkəmizin növbəti dəfə nüfuzlu beynəlxalq idman tədbirinə ev sahibliyi etməsi Birlik üzvləri ilə uğurlu qarşılıqlı fəaliyyətimizin daha bir nümayişi olacaqdır.

 

MDB dövlət başçılarının sammitində diqqət çəkən məqamlardan biri də Ermənistan baş nazirinin bu tədbirə qatılmaması oldu. Ermənistan növbəti dəfə öz siyasi maraqlarını üzvü olduğu təşkilatla deyil, onu bu üzvlükdən uzaqlaşdırmaqla Ermənistanı öz vassalına çevirmək istəyən üçüncü qüvvələrin maraqları ilə uzlaşdırdı. Bu isə Ermənistana yaxşı heç nə vəd etmir”, - deyə Cavanşir Feyziyev vurğulayıb.

Xəbər lenti

InvestAZ

Ən çox oxunan xəbərlər

Xocalı soyqırımı dünya müstəvisində anılmadıqca…

MMP "Ana harayı" abidəsini ziyarət etdi

Dünyanın gözü qarşısında baş verən dəhşətli cinayət - XOCALI SOYQIRIMI

Sümük xəstəliklərindən əziyyət çəkənlər OXUSUNLAR

“Xocalı soyqırımının 32-ci ilində başımız dikəldi”

Gimnastımız Rumıniyada bürünc medal qazandı

Hindistan hərbi istehsalı və ixracını üç dəfə artıracaq

İstanbulda Xocalı soyqırımına həsr olunmuş KONFRANS

Naxçıvan istiqamətində mövqelərimiz ATƏŞƏ TUTULUB

Xocalı faciəsinin 32-ci ildönümünə həsr olunmuş FLƏŞMOB

Qərbi Azərbaycan XRONİKASI

“Qalatasaray”-dan Türkiyə Futbol Federasiyası prezidentinin istefası TƏLƏBİ

Xocalı soyqırımı ABŞ mətbuatında və beynəlxalq hesabatlarda

Xocalı soyqırımından 32 il keçir

Qarabağ Universitetində işləmək istəyənlərin NƏZƏRİNƏ