Bədii gimnastlarımızdan qalibiyyət sevinci

09:31 16-11-2023 | icon 578 | İdman
Bədii gimnastlarımızdan qalibiyyət sevinci

“Ocaq Sport” klubunun bədii gimnastika üzrə açıq çempionatının yarışları çoxlu emosiyalar, pozitivlik, sevincli anlar yaşatdı”.

 

Bu barədə “Trend”ə yarışların qalibləri və mükafatçıları deyib.

 

2013-cü il təvəllüdlü gimnastlar arasında gürzlə hərəkətdə və çoxnövçülükdə (B qrupu) iki gümüş medal qazanan Darya Məmmədovanın sözlərinə görə, tribunalarda tamaşaçı çox olanda çıxış etməyi xoşlayır.

 

“Bədii gimnastika ən baxımlı idman növlərindən biridir. Tamaşaçılar yarışa məmnuniyyətlə gəlir və bizi dəstəkləyirlər. Camaatın alqışları mənə həmişə kömək edir, ruhlandırır, bu yarışlarda da belə idi”.

 

2013-cü il təvəllüdlü gimnastlar arasında (B qrupu) topla hərəkətdə Səidə Əliyeva birinci yeri tutub. Gənc idmançı üç yaşından gimnastika ilə məşğul olur və idmanda özünü reallaşdırmaq arzusundadır:

 

“Bu gün çıxış etdiyim proqram çətindir, və çox gözəl, təsirli musiqiləri olub. Musiqili bəstənin mövzusunu tam çatdırmağa çalışmışam”.

 

2013-cü il təvəllüdlü gimnastlar (B qrupu) arasında halqa ilə hərəkətdə birinci yeri tutan Dilək Rüstəmzadə qeyd edib ki, “Ocaq Sport” klubunun açıq çempionatında ciddi rəqabət olub:

 

“Məşqdə çox çalışdım və birinci yeri tutdum. Bütün qızlar yaxşı çıxış etdilər, hər kəs əlindən gələni etdi. Turnirlərdə sadəcə olaraq proqramınızı yaxşı təqdim etmək, elementləri təmiz yerinə yetirmək və rəqiblərinizə baxmamaq vacibdir. Mən özümü toplaya bildim və daha yaxşı nəticələr əldə etdim”.

 

Milana Kərimova 2013-cü il təvəllüdlü gimnastlar (B qrupu) arasında lentlə hərəkətdə gümüş medal qazanıb:

 

“Bugünkü çıxışımdan tam razı olduğumu deyə bilmərəm, məşqdə daha yaxşı çıxış etdim. İndi növbəti yarışlara hazırlaşacağam, elementləri məşq edəcəyəm. Bədii gimnastikada kumirim Azərbaycan millisinin üzvü Zöhrə Ağamirovadır, ona baxıram, eyni şəkildə çıxış etmək istəyirəm”.

 

2013-cü il təvəllüdlü gimnastlar (B qrupu) arasında alətsiz hərəkətlər üzrə proqramda birinci yeri tutan Leyla Şirin Həsənovanın sözlərinə görə, hər dəfə Milli Gimnastika Arenasındakı zalın gözəlliyinə heyran edir:

 

“Gimnastika arenasına ilk dəfə baş çəkdiyim üçün onun miqyası məni bir az da çaşdırdı. Burada beynəlxalq yarışlar keçiriləndə çalışıram ki, onlarda iştirak etmək çalışıram. Gimnastika fənnləri üzrə çempionatlar və kuboklar çox möhtəşəmdir”.

 

2013-cü il təvəllüdlü gimnastlar arasında (B qrupu) halqa ilə hərəkətdə bürünc medal qazanan Ayan Alimli mükafatı bədii gimnastika üzrə məşqçilərinə həsr edib:

 

“Bu gün ilk medalımı qazandım. Ümid edirəm ki, gələcəkdə mükafatlar kolleksiyama gümüş və qızıl medallarını əlavə edəcəyəm. Ən istədiyiniz medala layiq görüldüyünüz zaman keçirdiyi hissləri təsvir etmək çətindir, bu, qürur və sevincdir”.

 

Qeyd edək ki, Darya Məmmədova, Səidə Əliyeva, Dilək Rüstəmzadə, Milana Kərimova, Leyla Şirin Həsənova Gimnastika üzrə İxtisaslaşdırılmış Olimpiya Ehtiyatları Uşaq-Gənclər Məktəbinin yetirmələridir, Ayan Alimli isə Qax Olimpiya İdman Kompleksini təmsil edir.

 

14-15 noyabr tarixlərində Bakıda Milli Gimnastika Arenasında “Ocaq” İdman Klubunun bədii gimnastika üzrə açıq çempionatı keçirilib. Yarışda ölkə üzrə 24 klubdan 206 gimnast iştirak edib. Açıq birincilik müxtəlif yaş kateqoriyaları üzrə keçirilib.

 

Xəbər lenti

InvestAZ

Ən çox oxunan xəbərlər

"Yaxşı olardı ki, proporsional seçki sisteminə keçilsin"

1919-cu il sərhədlərinin bərpası fürsətini yaradan AMİL

Ürəkbulanma zamanı SƏHVƏ YOL VERİLİR

Erməni kilsəsi ətrafında gedən OYUNLAR

Siyasi sabitliyi, dialoq mühitini ifadə edən GÖRÜŞ

"Regionlarda işçilərin aldığı maaşlar fərqlənməlidir"

"Ulu öndərin işığında" - TƏQDİMAT

Seçkiöncəsi ŞOK

Xankəndinin nəqliyyat planının layihəsi HAZIRLANDI

Müəllim olmaq istəyənlərin NƏZƏRİNƏ

Aygün "Xarıbülbül" festivalının bağlanışında...

“Cadı” - CineMastercard kinoteatrında Qala gecəsi

Aygün obrazdan obraza girdi - “Maşallah”

Azərbaycan Milli QHT Forumunun YENİ RƏHBƏRİ

Sea Breeze ərazisində ilk dəfə sirk açılacaq