DƏHŞƏT! Əlillik dərəcəsi ilə bağlı ŞİKAYƏTLƏR

15:22 05-12-2023 | icon 455 | Cəmiyyət
DƏHŞƏT! Əlillik dərəcəsi ilə bağlı ŞİKAYƏTLƏR

Fuad Əliyev: “Təqaüdlərin verilməsini bu formada dayandırdılar...”

 

“Müraciətlərin əksəriyyəti əlilliyi olan şəxslərə əlillik dərəcəsinin verilməməsi və əlillik üçün verilən aylıq müavinətin  kəsilməsi ilə əlaqədardır. Burda ciddi problemlər var”.

 

Versus.Az xəbər verir ki, bunu açıqlamasında Müstəqil Həmkarlar Birliyinin sədri Fuad Əliyev bildirib.

 

 

Onun sözlərinə görə, vətəndaşların Həmkarlar Birliyinə daxil olan şikayətlərin əksəriyyəti təqaüd və əlillik qruplarının kəsilməsi ilə əlaqədardır:

 

“Bəzi qanunları qəbul edəndə, çalışırlar ki, qanunlar Avropa standartlarına uyğun olsun. Çox təəssüf ki, qəbul olunan bəzi qanunlar vətəndaşlara problem yaradır. Bir neçə il bundan əvvəl, uzun illər əlillik dərəcəsinə uyğun aylıq müavinət alan şəxslərə bu müavinətin verilməsi dayandırıldı. Həm də heç bir xəbərdarlıq etmədən. Vətəndaş da gəlir bankomatın qabağına, görür ki, pul yoxdur. Sonra aydın olur ki, yeni qaydalara görə, əlilliyi sübut etmək üçün yenidən müayinədən keçməlidir. Bu da böyük bir problemə çevrilir. Şikayətçilərin dediyinə görə aylarla yollarda qalıblar. Sonda da bizə müraciət edirlər ki, biz onlara köməklik edək. Biz də öz növbəmizdə çalışırıq onlara dəstək olaq”.

 

Fuad Əliyevin sözlərinə görə, təqaüdlərin ləğvi prosesində qanun pozuntuları var. Onun sözlərinə görə, Əmək və Əhalinin Sosial Müdafiəsi Nazirliyinin rəhbərliyi deyir ki, keçmişdə saxta əlillik qrupları verilib:

 

“Buna görə də təqaüdlərin verilməsini bu formada dayandırdılar. Yenidən müayinədən keçib saxta qrup alanları ifşa edirlər. Bax bu yanaşma ilə razılaşmaq mümkün deyil. Niyə bu saxta qrup alanlara görə həqiqi əlillər əziyyət çəkməlidirlər? Təqaüdü kəsirsən, bəs bu insanlar necə yaşasınlar? Onların başqa gəlir yeri yoxdur, əlildirlər. Saxta əlilliyi alanları üzə çıxarın. Bu məsələdə hamı sizi dəstəkləyir. Amma bunu edərkən insanların hüquqlarının pozulmamasına diqqət edin. Təqaüdlər kəsilmədən öncə əlillərin yenidən müayinədən keçməsi üçün vaxt verə bilərdiniz. Onda bu qədər narazılıq yaranmazdı”.

 

AYSEL
versus.az

Xəbər lenti

InvestAZ

Ən çox oxunan xəbərlər

Hoçaz döyüşü haqqında XATİRƏLƏR

Daxili xəstəliklərdən biri haqqında - REVMATİZM

Vətən, Bayraq uğrunda ŞƏHİDLİYƏ UCALDI

Seçkisonrası mediada görünməzlik və ANA MÜXALİFƏTÇİLİK hədəfi

Yumruğa çevrilən “bir millət, iki dövlət” QARDAŞLIĞI

Süni intellektdə yeni mərhələ

Ümid Partiyası Konstitusiyaya bu dəyişiklikləri TƏKLİF EDİR

Bu gün Qaradağlı faciəsinin 32-ci ilidir

"Azərbayca dünyada daha böyük nüfuz sahibinə, güc mərkəzinə çevrilir"

"Prezidentin verdiyi mesajları ciddi şəkildə nəzərə almalıdırlar"

Millimiz Avropa çempionatında 4-cü yeri tutub

Hövsana su basdı

Nə təcili yardım gəlir, nə də taksi

Şəraitsiz həyət, qanunsuz tikili

Daxilə və xaricə yönəlik ciddi MESAJLAR