Müəllimlərin maaşlarına əlavələr olacaq?

17:26 02-02-2024 | icon 371 | Təhsil
Müəllimlərin maaşlarına əlavələr olacaq?

“2022-2023-ci illərdə Elm və Təhsil Nazirliyinin sertifikasiya qiymətləndirməsindən keçən müəllimlərin orta aylıq əməkhaqqısı 800 manatdır. 2023-cü ildən bu günə kimi 50 minə qədər müəllim sertifikasiya qiymətləndirməsindən keçib”.

 

Bunu “Trend”ə təhsil eksperti Kamran Əsədov deyib.

 

O qeyd edib ki, hazırkı dövrdə diaqnostik qiymətləndirmənin nəticələri müəllimlərin dərs bölgüsü zamanı nəzərə alınır.

 

“Bu, o deməkdir ki, diaqnostik qiymətləndirmənin nəticələri yüksək olan müəllim daha çox dərs saatı alır və bu da onun yüksək əməkhaqqı almasına imkan verir. Bir məqamı qeyd edim ki, dövlət büdcəsindən ən çox vəsait ayrılan sahələrdən biri təhsildir. Təhsilə ayrılan məbləğ 2023-cü ildə 4 milyard 423 milyon manat təşkil edir. Bu da 2022-ci illə müqayisədə 536,5 milyon manat və ya 13,8 faiz, 2021-ci ilin icra göstəriciləri ilə müqayisədə isə 1,3 milyard manat (42,4 faiz) çoxdur.

 

Hazırda Bakı şəhərində 8 965 müəllimin əməkhaqqısı 600-1000 manat, 476 müəllimin əməkhaqqısı isə 1500 manatdan yuxarıdır. Aparılan islahat nəticəsində həmin müəllimlərin orta aylıq əməkhaqqısı 800 manat təşkil etməklə, ölkə üzrə müvafiq göstəriciyə yaxınlaşıb. 2022-2023-cü ildə edilən artımlardan sonra müəllimlərin əməkhaqqısı orta hesabla 77-99 manat arası artıb. İndi pedaqoji stajı 3 ilə qədər olan və bir ştat cədvəli dərs yükü (18 saat) dərs deyən müəllim aylıq 662 manat, pedaqoji stajı 18 ildən çox olan və bir ştat cədvəli dərs yükü (18 saat) dərs deyən müəllim aylıq 794 manat əməkhaqqı alır.

 

Sertifikasiya ilə bağlı mövcud qaydalara əsasən, imtahan mərhələsində 30-50 bal toplayanların əməkhaqqı 10, 51-60 ballıq nəticə göstərənlərin maaşları isə 35 faiz artır.

 

Sertifikatlaşdırma prosesində yüksək nəticə göstərən 32 min müəllimdən 8 mininin əməkhaqqında 35 faiz artım olacaq. Yəni imtahanlarda yüksək nəticə göstərmiş hər dörd müəllimin üçünün maaşı 10 faiz artacaq. Yalnız hər dörd nəfərdən birində daha yüksək maaş artımı olacaq.

 

Amma düşünürəm ki, müəllimlərin sosial vəziyyəti ilə bağlı daha ciddi addımlar atmaq lazımdır. Müəllimlərin sosial müdafiəsinin gücləndirilməsi təhsilin inkişafına ciddi şəkildə müsbət təsir göstərər”, - deyə K.Əsədov bildirib.

Xəbər lenti

InvestAZ

Ən çox oxunan xəbərlər

Hoçaz döyüşü haqqında XATİRƏLƏR

Daxili xəstəliklərdən biri haqqında - REVMATİZM

Vətən, Bayraq uğrunda ŞƏHİDLİYƏ UCALDI

Seçkisonrası mediada görünməzlik və ANA MÜXALİFƏTÇİLİK hədəfi

Yumruğa çevrilən “bir millət, iki dövlət” QARDAŞLIĞI

Süni intellektdə yeni mərhələ

Ümid Partiyası Konstitusiyaya bu dəyişiklikləri TƏKLİF EDİR

Bu gün Qaradağlı faciəsinin 32-ci ilidir

"Azərbayca dünyada daha böyük nüfuz sahibinə, güc mərkəzinə çevrilir"

"Prezidentin verdiyi mesajları ciddi şəkildə nəzərə almalıdırlar"

Millimiz Avropa çempionatında 4-cü yeri tutub

Hövsana su basdı

Nə təcili yardım gəlir, nə də taksi

Şəraitsiz həyət, qanunsuz tikili

Daxilə və xaricə yönəlik ciddi MESAJLAR