NATO-nun informasiya mərkəzinin binasının qapıları yandırılıb
408 |
Dünya
Moldovanın paytaxtı Kişineuda NATO-nun informasiya mərkəzinin yerləşdiyi binanın qapıları yandırılıb.
Bu barədə həmin ölkənin Daxili İşlər Nazirliyinin Fövqəladə Hallar Müfəttişliyi məlumat verib.
“Hadisə yerinə gələn iki ekipaj, Mateyeviç küçəsindəki binanın qapılarının yandığını müəyyən edib. Binada NATO-nun məlumat mərkəzi yerləşir. Yanğın söndürülüb, tələfat yoxdur”, - deyə qurumun mətbuat katibi Liliana Puşkas bildirib.
Onun sözlərinə görə, hadisənin səbəbləri polis tərəfindən müəyyən edilir.
Qeyd edək ki, Moldova neytral statusa malikdir, lakin 1994-cü ildən NATO ilə fərdi tərəfdaşlıq planı çərçivəsində əməkdaşlıq edir. Sorğuların nəticələrinə görə, əhalinin əksəriyyəti respublikanın alyansa qoşulmasının əleyhinədir və konstitusiyada nəzərdə tutulan daimi bitərəflik statusunun saxlanmasının tərəfdarıdırlar.
Xəbər lenti
Dopinqdən istifadə edən idmançı Olimpiadadan kənarlaşdırıldı
O, həmçinin B nümunəsinin nəticələrini də tələb etmək...
