Sevindik Nəsiboğlu: "Biz gənclərə dəyər verən ziyalılarımızla fəxr edirəm"

Elm və Təhsil naziri Emin Əmrullayev gənc yazar Sevindik Nəsiboğlu ilə görüşüb, onun fikirlərini dilnləyib, gənclərə dövlət qayğısından danışılıb.

Görüş haqqında təəssüratlarını Versus.Az-a danışan məktəbli yazar, AJB üzvü, 7 kitab müəllifi, “Kredo” qəzetinin redaksiya heyətinin üzvü və ictimai müxbiri, Xebertime.az saytının ictimai müxbiri Sevindik Nəsiboğlu bildirib ki, fevralın 23-də Elm və Təhsil naziri Emin Əmrullayev Beyləqan rayonunda vətəndaşları qəbul edərkən o da nazirin qəbulunda olub:

"Emin müəllimlə özü kimi çox sadə və səmimi söhbətimiz oldu. Əvvəlcə cənab nazirimizi yenidən bu vəzifəyə təyin olunması münasibətilə həmyaşıdlarım, oxuduğum məktəbin müəllim-şagird kollektivi və öz adımdan təbrik edərək, gələcək fəaliyyətində uğurlar arzu etdim. Sonra isə ona yaradıcılığım, fəaliyyətim və təhsil həyatım barədə məlumat verdim".

S.Nəsiboğlu E.Əmrullayevə müəllifi olduğu kitabları təqdim edib:

"Emin müəllim mənə kitab hədiyyəsi üçün təşəkkürünü bildirdi və gələcək təhsil həyatımda, yaradıcılığımda uğurlar arzu etdi.

Bizim kimi gəclərə vaxt ayırıb dinlədiyi üçün cənab nazirimizə dərin minnətdarlığımı bildirirəm. Vətənimlə və vətənimin biz gənclərə dəyər verən ziyalıları ilə fəxr edirəm".