Bu vasitə ilə insanın yeri dəqiq müəyyən ediləcək

İspan alimləri stansiyaya qoşulmuş smartfonun yerini dəqiq müəyyən etməyə imkan verən texnologiya kəşf ediblər.

Mütəxəssislər 20 giqahersdən yuxarı tezliklərdən istifadə edərək 5G və “Wi-Fi 7” standartlarına əsaslanan marşrutlaşdırıcı dizayn yaradıblar. Stansiya ilk növbədə smartfonu tapır, sonra isə siqnallar göndərərək ona olan məsafəni ölçməyə başlayır.

Mühəndislər iş prinsipini izah edərkən bildiriblər ki, - “İnsan stansiyadan nə qədər uzaq olarsa, siqnal efirdə bir o qədər çox qalır”.

Onların sözlərinə görə, yeni üsul onlara yeddi metr məsafədə yerləşən telefonun yerini üç santimetr dəqiqliklə müəyyən etməyə imkan verib. Alimlər qeyd ediblər ki, gələcəkdə baza stansiyalarının köməyi ilə robotların və avtonom avtomobillərin hərəkətini daha dəqiq idarə etmək mümkün olacaq.