Ramil Hüseynov: “Onların ruhları qarşısında baş əyirik”

“Millətin azadlığı, istiqlalı, ərazi bütövlüyü, müstəqilliyi, suverenliyin möhkəmlənməsi uğrunda xidməti olan hər kəs bizim üçün o uca məqamdadır”.

Versus.Az xəbər verir ki, bunu Şəhid Abdullazadə Həsənağanın valideynləri ilə görüşdə “Yeni Xətt” Siyasi Tədqiqatlar Mərkəzinin rəhbəri Ramil Hüseynov deyib.

Təəsüratlarını bölüşən R.Hüseynov qeyd edib ki, əslində çox söz demək olar amma valideynləri dinlədikdən sonra nə danışmaq, nə yazmaq istəyirsən:

“Ruhları hər zaman bizim üçün əziz olan şəhidlərimizin keçdikləri yolu öyrəndikdən sonra, fikirləşirsən ki, sanki Allah onları o uca məqam üçün yaradıb. Bu fikirlər fonunda xəyala dalıb susqunluğa qərq olursan. Allah bütün şəhidlərimizi rəhmət eləsin. Onların ruhları qarşısında baş əyirik. Millətin azadlığı, istiqlalı, ərazi bütövlüyü, müstəqilliyi, suverenliyin möhkəmlənməsi uğrunda xidməti olan hər kəs bizim üçün o uca məqamdadır.

Əziz şəhid valideynləri, sizinlə qürur duyur, fəxr edirəm, əllərinizdən öpürəm. O şəhidlər bizim and yerimiz, qürur mənbəyimizdir”.

PƏRİ
versus.az