Laçınlılardan atəşkəsin pozulmasına REAKSİYA

14:32 09-04-2024 | icon 367 | Cəmiyyət
Laçınlılardan atəşkəsin pozulmasına REAKSİYA

"Prezidentimizə, ordumuza güvənirik, daha qorxmuruq"

 

Ermənistan silahlı qüvvələri ötən gün gecə saatlarında Laçın rayonunu istiqamətində atəşkəsi pozub. Rəsmi məlumata görə, düşmənin Gorus rayonunun Xoznavar, Xanazax, Ərəvus yaşayış məntəqələri istiqamətlərində yerləşən mövqelərindən Ordumuzun Laçın rayonunun Sadınlar, Hüsülü, Malıbəyli və Cağazur yaşayış məntəqələri istiqamətlərindəki mövqeləri müxtəlif çaplı atıcı silahlardan fasilələrlə atəşə tutulub.

 

Qeyd edək ki, Laçın "Böyük Qayıdış" prosesi çərçivəsində keçmiş məcbur köçkünlərin qayıtdığı əsas yaşayış məntəqələrindən biridir. Laçın şəhəri və Zabux kəndlərinə minlərlə sakin köçürülüb və onlar hazırda da orada yaşayırlar.

 

Modern.az saytı Ermənistanın son təxribatı ilə əlaqədar hazırda Laçında yaşayan insanların fikirini öyrənib.

 

 

 

35 yaşlı Laçın sakini Ziyadxan Məmmədov heç bir qorxu hissi keçirmədiyini vurğulayıb:

 

“Avqustun 26-dan Zabux kəndinə köçmüşük. Ordumuza, dövlətimizə, Ali Baş Komandanımıza güvənib bura gəlmişik. Heç bir qorxu-ürkü də yaşamırıq. Gündəlik həyatımıza davam edirik. Heç bir çətinliyimiz də yoxdur. İndi mən dükana gedib alver edəcəm. Axşam iftar süfrəsi açacağıq, sabah Ramazan bayramını qeyd edəcəyik. İnsanlarımız həyət-bacasında işləyir. Mən şəxsi təsərrüfatımda kartof və ağac əkmişəm. 31 ildən sonra vətənimizdə yaşayırıq. Bundan gözəl nə ola bilər? 1990-cı illərin əvvəlləri deyil ki, kimsə bizi qorxutsun, aldatsın və bizi buradan çıxartsın. Ordumuza, dövlətimizə, dövlət başçımıza inamımız tam və sonsuzdur”.

 

64 yaşlı Laçın sakini İsmayıl Ağayev də atəşkəsin pozulmasına görə həyəcan və stress keçirmədiklərini söyləyib:

 

 

 

“Laçında hər şey gözəldir. Gözəl hava var. Camaat həyətyanı sahəsində əkin-biçinlə məşğuldur. Təmizlik işləri görürlər. Ordumuza, dövlətimizə inanırıq. Ölkəmizdə ictimai-siyasi sabitlik var. Ermənistandadakı kimi xaos, hərc-mərclik deyil ki, iki güllə atılan kimi həyacanlanıb stress keçirək. Allah şəhidlərimizə rəhmət eləsin, bu sevinci bizə yaşadan bütün Ordumuza və cənab Prezidentə minnətdarıq. Bu yerlərin əsl sahibləri kimi Laçında oturmuşuq. Ermənilər güman eləməsin ki, 1992-ci ildəki kimi olacaq. Bu gün Azərbaycanda dövlət-xalq birliyi var. Hər hansı başıpozuqluqdan, xaosdan söhbət gedə bilməz. Biz laçınlıyıq, məğrur olmuşuq. Dağlar qədər qüdrətimiz var".

 

77 yaşlı laçınlı Elbrus Sadıqov ordumuza güvəndiyini deyir:

 

“Mən narahat deyiləm. Dövlətimizə tam arxayınam. Qəhrəman, yenilməz Ordumuz var. Düşmənə layiqli cavabını verəcək. Antiterror tədbirləri olanda mənə dedilər ki, “ağsaqqal adamsan, sən çıx get!”. Dedim ki, heç yana gedən deyiləm, dövlət bizi qoruyur. Belə Ordusu olan qorxu keçirməz. Şəxsən mən heç nədən qorxub çəkinmirəm. Allah Ordumuzu qorusun, cavanlara can sağlığı versin. Allah şəhidlərimizə rəhmət eləsin, qazilərimizə şəfa versin. Onların sayəsində torpağımıza gəlib çıxdıq. Allah cənab Prezidentimizə can sağlığı versin!".

Xəbər lenti

InvestAZ

Ən çox oxunan xəbərlər

"Yaxşı olardı ki, proporsional seçki sisteminə keçilsin"

1919-cu il sərhədlərinin bərpası fürsətini yaradan AMİL

Ürəkbulanma zamanı SƏHVƏ YOL VERİLİR

Siyasi sabitliyi, dialoq mühitini ifadə edən GÖRÜŞ

Erməni kilsəsi ətrafında gedən OYUNLAR

"Regionlarda işçilərin aldığı maaşlar fərqlənməlidir"

Seçkiöncəsi ŞOK

"Ulu öndərin işığında" - TƏQDİMAT

Xankəndinin nəqliyyat planının layihəsi HAZIRLANDI

Müəllim olmaq istəyənlərin NƏZƏRİNƏ

Aygün "Xarıbülbül" festivalının bağlanışında...

“Cadı” - CineMastercard kinoteatrında Qala gecəsi

Aygün obrazdan obraza girdi - “Maşallah”

Azərbaycan Milli QHT Forumunun YENİ RƏHBƏRİ

Sea Breeze ərazisində ilk dəfə sirk açılacaq