Vətəndaşları işə düzəltmə adı ilə necə aldadırlar?

21:11 14-04-2024 | icon 279 | Cəmiyyət
Vətəndaşları işə düzəltmə adı ilə necə aldadırlar?

Fuad Əliyev: “Hüquq-mühafizə orqanları belə faktlara hər zaman operativ reaksiya verib”

 

Son zamanlar iş tapmaq problemə çevrilib. İş axtarışı zamanı fırıldaqçılarla qarşılaşmaq isə nəinki iş tapmamaq, üstəlik pul itkisinə də səbəb olur. Bəs bizi məşğulluq sahəsində hansı təhlükələr gözləyir və onlardan necə qaçmaq olar?

 

Artıq bir neçə ildir ki, fırıldaqçıların iş axtaran vətəndaşları aldatmaq üçün sadə üsula əl atmaları barədə çox eşidirik. Hüquq-mühafizə orqanları dəfələrlə əhalini ayıq-sayıq olmağa çağırsalar da, təəssüf ki, hələ də sadəlövhlər kifayət qədərdir. Fırıldaqçılar təcili işə ehtiyacı olanların hər şeyə inandıqlarını bildikləri üçün onları asanlıqla aldada bilirlər. Fırıldaqçılar tanınmış şirkətlərə iş elanları verir, bəzən bu məqsədlə saxta saytlar da yaradırlar. Vətəndaşlara qeydiyyat üçün müəyyən məbləğ ödədikdən sonra işlə təmin olunacağı vəd edilir. Bundan başqa, Qarabağda əhalinin yaşayış yeri ilə təmin olunması ilə bağlı saxta reklamlar da peyda olub.

 

Ötən il zərərçəkmişlərin çoxsaylı müraciətləri ilə əlaqədar əvvəllər məhkum olunmuş paytaxt sakini “TikTok”da  iş vədi ilə elanlar yerləşdirdiyinə görə saxlanılıb. O, 181 nəfəri aldadaraq onlardan külli miqdarda pul alıb.

Fırıldaqçılıqla təkcə virtual olaraq deyil, həm də sabun köpüyünə çevrilən bir məşğulluq firmasına etibar etməklə qarşılaşa bilərsiniz.

 

Məsələ ilə bağlı açıqlama verən Müstəqil Həmkarlar Birliyinin (MHB) rəhbəri Fuad Əliyev bildirib ki, Birlik mövcud olduğu bir il ərzində məşğulluq sahəsində dələduzluq faktı ilə üzləşmiş 4 nəfər quruma müraciət edib:

 

“Onlar kömək istədilər, biz öz növbəmizdə hüquq-mühafizə orqanlarına müraciət edərək yardım etdik. Əvvəllər tez-tez belə hallar olurdu ki, vətəndaşa müəyyən məbləğ ödəyəcəyi təqdirdə işə düzəltmək barədə fərdi qaydada söz verilirdi. Minlərlə manatdan söhbət gedir. Hal-hazırda iş tapmaqda kömək göstərməklə məşğul olan "bir günlük" şirkətlərinn yaradılması haqqında getdikcə daha çox eşitmək olar. Bizə şikayətlə gələnlər əlaqə saxladıqları şirkətlərin konkret ünvanını, telefon nömrələrini verdilər. Lakin təbii ki, o vaxta qədər orada heç kim yox idi. Həmin şirkətlər bağlanmışdır”.

 

F.Əliyev qeyd edib ki, yerli hüquq-mühafizə orqanları belə faktlara hər zaman operativ reaksiya verərək, dələduzları aşkar ediblər. Onun sözlərinə görə, bu şirkətlər vətəndaşların etimadını qazanır və onlardan blanklara, qeydiyyata və digər xidmətlərə görə pul alırlar:

 

“Məbləğlər dəyişir, 1000 manat, bəzən daha çox olur. Belə şirkətlərin işçiləri müştəriləri əmin edirlər ki, onlara yaxşı vakansiyaları olan şirkətlər müraciət edir. Əsasən özəl təşkilatlarda ofis işləri vəd edirlər. Lazım olan məbləği aldıqdan sonra müştərilərə “zavtrak” yedizdirməyə başlayırlar, sonra isə ofisləri tamamilə bağlayırlar. “Qurban” isə nə edəcəyini bilmir. Yəni işə düzəlməyib, pul itirib”.

 

F.Əliyev bildirib ki, MHB-yə təkcə işə düzəltmə dələduzluğu ilə bağlı müraciət edilməyib. Məsələn, xaricdə universitetdə oxumaq istəyən qız da saxtakarlıqla üzləşib:

 

“O, başqa ölkədə təhsil almaq istəyirdi, bunun üçün ona kömək edəcəyini vəd edən mərkəzə müraciət etdi. Onlar qızın Türkiyədə təhsil almasını təşkil etdiyinə görə 3500 manat pul tələb ediblər, amma heç bir iş görməyiblər. Bu bir il uzandı, sonra ona dedilər ki, daha 500 manat versə, Polşada oxuya bilər. Təbii ki, bunun saxta olduğu ortaya çıxdı. Bir il yarım gözlədikdən sonra o, bizə müraciət etdi və biz ona məbləğin böyük hissəsini qaytarmağa kömək edə bildik. Vətəndaşlarımıza məsləhət görərdim ki, xaricdə işləmək və ya təhsil almaqla bağlı şirkətlərə müraciət edərkən sayıqlıqlarını itirməsinlər. Təbii ki, bazarda vətəndaşlara həqiqətən kömək edən, onları xarici universitetlərə oxumağa göndərən agentliklər var. Bəs biz hansı şirkətin vicdanlı, hansının vicdansız olmadığını necə başa düşmək olar? Şübhəniz varsa, Müstəqil Həmkarlar Birliyi ilə əlaqə saxlamağınızı məsləhət görə bilərəm, yoxlayacağıq”.

 

F.Əliyev qeyd edib ki, MHB-nin şikayətçilərə göstərdiyi xidmətlər tam pulsuzdur.

Xəbər lenti

InvestAZ

Ən çox oxunan xəbərlər

"Yaxşı olardı ki, proporsional seçki sisteminə keçilsin"

1919-cu il sərhədlərinin bərpası fürsətini yaradan AMİL

Ürəkbulanma zamanı SƏHVƏ YOL VERİLİR

Siyasi sabitliyi, dialoq mühitini ifadə edən GÖRÜŞ

Erməni kilsəsi ətrafında gedən OYUNLAR

"Regionlarda işçilərin aldığı maaşlar fərqlənməlidir"

"Ulu öndərin işığında" - TƏQDİMAT

Seçkiöncəsi ŞOK

Xankəndinin nəqliyyat planının layihəsi HAZIRLANDI

Müəllim olmaq istəyənlərin NƏZƏRİNƏ

Aygün "Xarıbülbül" festivalının bağlanışında...

“Cadı” - CineMastercard kinoteatrında Qala gecəsi

Aygün obrazdan obraza girdi - “Maşallah”

Azərbaycan Milli QHT Forumunun YENİ RƏHBƏRİ

Sea Breeze ərazisində ilk dəfə sirk açılacaq