Tibb elminə həsr olunmuş ömür...

17:18 15-04-2024 | icon 326 | Cəmiyyət
Tibb elminə həsr olunmuş ömür...

Zərifə Əliyeva nəciblik və mənəvi paklıq timsalıdır

 

 

 

 

 

KÖNÜL İSMAYILOVA
/Nizami rayon icra hakimiyyətinin məsul işçisi, MMP Siyasi Şura və İdarə Heytinin üzvü/

 

 

Elə şəxsiyyətlər var ki, onların ömür yolu haqqında söhbət açarkən istər-istəməz hansısa tarixi dövrün müəyyən ənənələrinin formalaşması prosesinin də iştirakçısına çevrilmiş olursan. Hər bir millət üçün fəxr olunası haldır ki, mənsub olduğu millətin tarixində unudulmaz şəxslər yaşayıb, yaradıb. Elə şəxslər ki, onların xalqı qarşısındakı xidmətləri əvəzolunmazdır. Belə insanlar həmin zirvəni qeyri-adi əməksevərliyi, təmənnasız xeyirxahlığı, fitri istedad, nadir bilik və qabiliyyətləri hesabına fəth edirlər. Məhz belə insanlardan biri də humanist insan, görkəmli ictimai xadim, oftalmoloq-alim Zərifə xanım Əliyevadır. O, gələcək taleyini tibb elminə həsr etməyi qarşısına məqsəd qoydu. Cəsarəti, əzmi ilə pillə-pillə məqsədlərinə doğru yüksəldi. Alim və oftalmoloq kimi şöhrəti hər tərəfə yayıldı. Praktik əməli həkim fəaliyyəti ilə yanaşı elmi axtarışlarını da davam etdirdi. Onun müalicə metodu bütün respublikada tətbiq edilirdi...

 

 

Zərifə xanım Əliyeva milli kadr hazırlığı prosesində də fəal iştirak edib. Səhiyyədə kadr hazırlığına və həkimlərin ixtisasının təkmilləşdirilməsinə gərgin əmək sərf edən alimin birbaşa rəhbərliyi altında cavan alimlərin və həkim-oftalmoloqların böyük bir nəsli yetişdi. O, tələbələrinə zəngin həyat təcrübəsini öyrədir, onlara diqqət və qayğı ilə yanaşırdı. Onun həkim kimi fədakarlığı, yüksək vətəndaşlıq məsuliyyəti, səmimiliyi və qayğıkeşliyi, insanlara və onların problemlərinə göstərdiyi diqqət, fəal həyat mövqeyi ona həmkarlarının, yetirmələrinin və xəstələrinin dərin hörmətini qazandırmışdı.

 

 

Zərifə xanım Əliyeva ömrünün 62-ci baharında, 1985-ci il aprelin 15-də Moskva şəhərində dünyasını dəyişdi. 1994-cü ildə cənazəsi Bakıya gətirilərək Fəxri Xiyabanda dəfn olundu.

Allah rəhmət eləsin!

Xəbər lenti

InvestAZ

Ən çox oxunan xəbərlər

"Yaxşı olardı ki, proporsional seçki sisteminə keçilsin"

1919-cu il sərhədlərinin bərpası fürsətini yaradan AMİL

Ürəkbulanma zamanı SƏHVƏ YOL VERİLİR

Siyasi sabitliyi, dialoq mühitini ifadə edən GÖRÜŞ

Erməni kilsəsi ətrafında gedən OYUNLAR

"Regionlarda işçilərin aldığı maaşlar fərqlənməlidir"

"Ulu öndərin işığında" - TƏQDİMAT

Seçkiöncəsi ŞOK

Xankəndinin nəqliyyat planının layihəsi HAZIRLANDI

Müəllim olmaq istəyənlərin NƏZƏRİNƏ

Aygün "Xarıbülbül" festivalının bağlanışında...

“Cadı” - CineMastercard kinoteatrında Qala gecəsi

Aygün obrazdan obraza girdi - “Maşallah”

Azərbaycan Milli QHT Forumunun YENİ RƏHBƏRİ

Sea Breeze ərazisində ilk dəfə sirk açılacaq