“İran-İsrail toqquşması bizim region üçün arzuolunmazdır”

15:24 16-04-2024 | icon 133 | Siyasət
“İran-İsrail toqquşması bizim region üçün arzuolunmazdır”

Arzu Nağıyev: "Hələ ki, bölgə üçün təhlükə yaradacaq belə problem yaşanmır"

 

“İranla İsrail arasında olan gərginlik pik nöqtəyə çatıb. İrandan Suriyaya İsrail konsulluğuna atılan raket zərbəsi və konsulluq nümayəndlərinin həyatını itirməsi gərginliyi yaradan əsas səbəbdir”.

 

Versus.Az xəbər verir ki, bunu deputat Arzu Nağıyev İran-İsrail toqqusmasının bölgəmizə təsirləri, eləcə də ölkəmiz üçün yarada biləcəyi təhlükə ilə bağlı açıqlamasında bildirib.

 

Deputat qeyd edib ki, İran daim İsrailə qarşı dayanan dövlətləri, eləcə də Həması, Hizbullahı dəstəkləyən dövlətlərdən biridir:

 

"İran İsrailə qarşı ballistik raketlərdən, pilotsuz uçuş aparatlarından istifadə etsə də, ciddi nəticə əldə edə bilməyib. Eyni zamanda ABŞ, Böyük Britaniya İsrailin cavab atəşi açmaması ilə bağlı müraciət edib, müəyyən tövsiyələr verib. Bu qarşıdurmanın nə ilə nəticələnəcəyi bəlli deyil. Əsas məqam odur ki, hadisədən öncə İran təhlükəsizlik baxımından öncə region, eləcə də digər dövlətlərə müraciət edərək hava məkanının bağlanması ilə bağlı müraciət eləmişdi. Buna baxmayaraq bir çox ölkələr, hətta ərəb dövlətlərindən İordaniya, Misir hava məkanını açıq saxladı. ABŞ, Böyük Britaniyanın hava hücumundan müdafiə qüvvələri İranın raketlərini sıradan çıxartdı".

 

A.Nağıyev bildirib ki, region, qonşu dövlətlər təhlükəszilik baxımından öz işlərini görürlər. Onun sözlərinə görə, Azərbaycan hava məkanı, quru əhəmiyyətli limanlarından digər ölkələrə qarşı heç vaxt istifadə olunmayacaq:

 

“İsrail və İran arasında olan gərginliyə baxmayaraq Azərbaycan hər iki dövlətin ərazi bütövlüyünü dəstəkləyir. Azərbaycan müharibələrin əleyhinədir. Xüsusilə də İran-İsrail toqquşması bizim region üçün arzuolunmazdır. Əgər İrana qarşı hücum olarsa, bu qonşu olkədə yaşayan çoxlu sayda azərbaycanlılara qarşı təhlükə doğura bilər. Eyni zamanda dost İsrailin zərər görməsini istəmərik. Əgər qonşu dövlətdə müharibə olarsa, bu, azərbaycanlıların sərhədi keçərək bu və ya digər şəkildə Azərbaycana gəlmə ehtimalını artırır”.

 

A.Nağıyev qeyd edib ki, hələ ki, bölgə üçün təhlükə yaradacaq belə problem yaşanmır. O, bildirib ki, böyük dövlətirin İsrailə, İrana müraciəti fonunda bu problem həllini tapıb.

 

Tahirə Qafarlı

Xəbər lenti

InvestAZ

Ən çox oxunan xəbərlər

1919-cu il sərhədlərinin bərpası fürsətini yaradan AMİL

"Yaxşı olardı ki, proporsional seçki sisteminə keçilsin"

Ürəkbulanma zamanı SƏHVƏ YOL VERİLİR

Siyasi sabitliyi, dialoq mühitini ifadə edən GÖRÜŞ

Erməni kilsəsi ətrafında gedən OYUNLAR

"Regionlarda işçilərin aldığı maaşlar fərqlənməlidir"

Seçkiöncəsi ŞOK

"Ulu öndərin işığında" - TƏQDİMAT

Xankəndinin nəqliyyat planının layihəsi HAZIRLANDI

Müəllim olmaq istəyənlərin NƏZƏRİNƏ

Aygün "Xarıbülbül" festivalının bağlanışında...

“Cadı” - CineMastercard kinoteatrında Qala gecəsi

Aygün obrazdan obraza girdi - “Maşallah”

Azərbaycan Milli QHT Forumunun YENİ RƏHBƏRİ

Sea Breeze ərazisində ilk dəfə sirk açılacaq