Rektor yeni dövrün universitetinə çevrilməyi hədəfləyən MDU-dan danışıb

Mingəçevir Dövlət Universitetinin rektoru Şahin Bayramov Birləşmiş Ərəb Əmirliklərinjn paytaxtı Dubay şəhərində keçirilən 6-cı MENA Ali Təhsil Forumunda “Ali təhsilin cəmiyyətin ehtiyaclarına uyğunlaşdırılması: dəyişən tələblərə adaptasiya” mövzusunda çıxış edib.

Versus.az xəbər verir ki, Şahin Bayramov mövzu barədə həm Beynəlxalq Universitetlər Assosiasiyası (IAU), həm də Mingəçevir Dövlət Universiteti (MDU) prizmasına əsaslanan fikirlərini bölüşüb və Beynəlxalq Universitetlər Assosiasiyası missiyası və prioritetləri, universitet-cəmiyyət əməkdaşlığına dair dəyərləri və Ali təhsilin beynəlmiləlləşməsi üzrə 6-cı qlobal sorğusunun müvafiq nəticələrini təqdim edib.

Sonda MDU-nun rektoru Şahin Bayramov yeni dövrün universitetinə çevrilməyi hədəfləyən MDU-nun strateji məqsədlərindən və yerli icmanın ehtiyaclarını qarşılamaq sahəsində təcrübəsindən bəhs edib.