Dövlət Əmək Müfəttişliyi Xidmətində QANUN BOŞLUĞU
![icon](http://versus.az/views/versus/images/read.png)
![Dövlət Əmək Müfəttişliyi Xidmətində QANUN BOŞLUĞU](http://versus.az/images/article/big/1718081548_522.jpg)
Fuad Əliyev: "Bunu aradan qaldırmaq üçün təkliflər hazırlayırıq”
“Yay aylarının ilk günləri isti keçdi. Proqnozlara görə qarşıdan gələn iyul, avqust aylarında havanın temperaturu 40-dan çox olacaq. Bu halda Əmək Məcəlləsinə görə, temperatur 41 dərəcədən yuxarı olduqda açıq havada iş prosesi dayandırılmalıdır”.
Versus.Az xəbər verir ki, bunu açıqlamasında Müstəqil Həmkarlar Birliyinin (MHB) sədri Fuad Əliyev deyib.
Fuad Əliyev hesab edir ki, isti havalarda sahibkarlar işi dayandırmalı, yaxud əlavə tədbirlər görməlidirlər:
“İsti keçən günlərdə iş mütləq dayandırılmalıdır. Bu xüsusilə tikinti sektoruna aiddir. Əgər işin dayandırılması mümkün deyilsə, onda işəgötürən fasilələr təşkil etməli, işçilərə sərinləşdirici içkilər verməlidir. Nəqliyyat sektorunda isə kondinsionerli nəqliyyat vasitələri xətlərə çıxmalıdır”.
MHB sədri Dövlət Əmək Müfəttişliyi Xidmətinin fəaliyyətinin də qənaətbəxş olmadığını deyib:
“Dövlət Əmək Müfəttişliyi Xidmətinin fəaliyyəti sıfır dərəcəsindədir. Dövlət Əmək Müfəttişliyi Xidmətinin əməkdaşlarının “əli-qolu” bağlıdır. Məsələn, tikinti sahələrinə baş çəkə bilmirlər. Tikintidə işləyən fəhlələr bizə, Müstəqil Həmkarlar Birliyinə müraciət edirlər, kömək istəyirlər. Tikinti sektorunun sahibkarları nə bizə, nə də Dövlət Əmək Müfəttişliyi Xidmətinin əməkdaşlarına bu müraciətləri araşdırmaq üçün şərait yaratmırlar. Bu qanun boşluğudur. Bunu aradan qaldırmaq üçün Müstəqil Həmkarlar Birliyi olaraq təkliflər hazırlayırıq”.
AYSEL
versus.az
![](https://azreform.info/source/banner/index.jpg)
Xəbər lenti
![](http://versus.az/images/article/big/1718974614_768.jpg)
Şəhid ailələrinin hüquqları ARTIRILIR
Yaşayış sahəsinə ehtiyacı olan şəxs qismində uçota alınmış...