Polşada oxumağın ən maraqlı tərəfləri:

Dünya ölkələrində olduğu kimi Azərbaycanda da bir çox gəncin arzusu xaricdə təhsil almaqdır.

Son zamanlar gənclər Polşada təhsil almağa üstünlük verirlər.

Versus.az  xəbər verir ki, hazırda Polşada təhsil sürətlə inkişaf edir. Ölkənin  ali təhsil müəssisələri keyfiyyətli təhsil baxımından əcnəbi tələbələrinin diqqətini  cəlb edir. Digər Avropa ölkələrindən fərqli olaraq Polşada XI sinfi bitirdikdən sonra universitetlərə birbaşa qəbul olmaq mümkündür.

Polşada bakalavr dərəcəsində təhsil almaq istəyənlər IELTS və ya TOEFL imtahanından keçməlidir. Ölkədə bakalavr dərəcəsində təhsil 3 və ya 4 ildir. Magistr təhsili  1.5 və ya 2 il, doktorantura isə 3 illikdir.

Polşada təhsil almaq istəyənlərin IELTS və ya TOEFL dil sertifikatı yoxdursa 1 il foundation keçməklə orada oxuya bilərlər.

“Türkiyə ali təhsil müəssisələri Polşa universitetlərindən daha keyfiyyətlidir”.   

Bu sözləri  xaricdə təhsil üzrə mütəxəssis Həsən Əliyev bildirib. O, Polşada təhsil almaq istəyənlər üçün zəruri məlumatları da bildirib:

“Polşada tədris ingilis dilindədir. Tələbələr orada oxuduğu müddətdə digər Avropa ölkələrinə vizasız səyahət etmək imkanı əldə  edirlər. Polşa  2004-cü ildə  Avropa Birliyinə qoşulduğu üçünŞengen zonasına daxildir. Yəni, Polşada təhsil vizası olan əcnəbi tələbənin, heç bir əlavə sənədləşməyə ehtiyacı olmadan  Avropa ölkələrinə rahatlıqla səyahət edə bilər”.

Həsən Əliyev bildirib ki, Avropa ölkələrində təhsil almaq arzusunda olanlar üçün Polşa çox gözəl seçimdir:

“Polşada  keyfiyyətli ali təhsil müəssisələri mövcuddur. Amma  müqayisə etdikdə Türkiyə ali təhsil müəssisələri Polşa universitetlərindən daha keyfiyyətlidir.  Avropa ölkələrində təhsil almaq istəyənlərin büdcələri azdırsa, bu zaman Polşadaoxumaq çox gözəl seçimdir. Lakin Polşa universitetlərində gənclərin humanitar ixtisaslarda təhsil almaqları daha perspektivlidir”.

Qeyd edək ki,  Polşada məzun olan əcnəbi tələbələrəiş izni və yaşayış hüququ da verilir. /azedu.az/

Versus.Az