"Əməkdaşlıq imkanları kifayət qədərdir"

10:30 01-06-2023 | icon 815 | Siyasət
"Əməkdaşlıq imkanları kifayət qədərdir"

Rəşad Bayramov: "Ölkələrimizin siyasi‚ strateji və təhlükəsizlik maraqlarına xidmət edəcək"

 

"İsrail istər birinci Qarabağ savaşı, istərsə də sonrakı dövrdə daim Azərbaycanın ərazi bütövlüyünü tanıyan və bütün Beynəlxalq Platformalarda Azərbaycanın haqq səsinə səs verən bir dövlətdir".

 

Versus.Az xəbər verir ki, bunu açıqlamasında politoloq Rəşad Bayramov bildirib.

 

Politoloq vurğuladı ki, hələ 90-cı illərin əvvəllərində, yəni birinci Qarabağ savaşı dönəmində Qərb ölkələri Azərbaycana silah-sursat satmaqdan imtina etdiyi bir zamanda İsrail yenə də haqq-ədalətin yanında oldu, ölkəmizin haqq səsinə dəstək olaraq öz hərbi arsenalını Azərbaycanın üzünə açdı:

 

"Artıq uzun illərdir ki, rəsmi Təl-Əviv Azərbaycanın müdafiə sənayesinin inkişafında, eləcə də digər müstəvilərdə ölkəmizlə yaxın əməkdaşlığa malikdir. Eynilə iqtisadi-ticari sahədə də əlaqələr yüksək səviyyədədir. Bu gün İsraillə ticarət dövriyyəmiz 1,7 milyard ABŞ dollarından çoxdur. Ölkəmiz geniş həcmə malik neft və qaz yataqlarının olduğu Xəzər hövzəsində yerləşir ki, bu da dövlətimizi İsrail üçün olduqca əhəmiyyətli edir. Eyni şəkildə İsrailin çox güclü sənayəyə malik olması, texniki avadanlıqlar və hərbi sursatlar istehsalı da bizim üçün əhəmiyyətli hesab olunur. Bütün bunların nəticəsidir ki, indiyə qədər keçən dövr ərzində hər iki ölkə arasında olan iqtisadi-ticari əlaqələr yüksək templə artmışdır.
Heç şübhəsiz ki, İsraildə səfirliyimizin açılması və indi də İsrail Prezidenti İsxak Hersoqun Azərbaycan səfəri indiyə qədər onsuz da ən yüksək səviyyədə olan münasibətləri daha da inkişaf edəcək və əməkdaşlığımız üçün yeni imkanlar meydana çıxacaq. Bununla bağlı artıq müəyyən razılaşmalar da var. Belə ki, irriqasiya və kənd təsərrüfatı sahələri üzrə birgə layihələrin reallaşdırılması artıq razılaşdırılıb. Azərbaycan İsrailin müsbət təcrübəsindən istifadə etmək və ixrac bazarını şaxələndirmək niyyətindədir. Yeni əməkdaşlıq sahələrdən biri də kibertəhlükəsizlik sahəsidir. Bu sahədə də fəal təmaslara başlanılıb. Gənc nəslin təlimi və tədrisi də məqsədlərimizə nail olmaq və özümüzü təhlükədən qorumaq üçün mühüm amil olacaq. Eyni şəkildə qarşılılıqlı turist axınının səviyyəsinin artırılması ilə bağlı da razılaşma əldə edilib”.

 

Politoloq qeyd edib ki, İsrail Prezidentinin səfəri zamanı digər önəmli bir əməkdaşlıq müqaviləsi də imzalandı:

 

"Bu müqavilə “Azərbaycan Respublikasının Səhiyyə Nazirliyi ilə İsrail Dövlətinin Səhiyyə Nazirliyi arasında səhiyyə və tibb elmi sahələrində 2023-2028-ci illər üçün Əməkdaşlıq Planı” adlanır və özündə səhiyyə sahəsində geniş spektrli əməkdaşlıq imkanlarını ehtiva edir. Göründüyü kimi əməkdaşlıq imkanları kifayət qədərdir və şübhəsiz ki, bu imkanlar hər iki ölkənin siyasi‚ strateji və təhlükəsizlik maraqlarına xidmət edəcək”. /hafta.az/

 

Tahirə Qafarlı

Xəbər lenti

InvestAZ

Ən çox oxunan xəbərlər

Siyasi sabitliyi, dialoq mühitini ifadə edən GÖRÜŞ

"Sülhməramlılarla bağlı səslənən iddialar absurddur"

"Kilsə Rusiyanın son variantı idi"

Deputat siyasi partiyaların fəaliyyətindən DANIŞDI

Ayda 376 manata mənzil almaq istəyənlərin NƏZƏRİNƏ

Siyasi partiyalarla dövlət orqanlarının konstruktiv əməkdaşlığının inkişafı - MÜZAKİRƏ

Füzuli və Ağdamın 28 kəndində vətəndaşlara müavinətin ödənilməsi niyə dayandırılıb?

Bu məktəb binası BOŞALDILIR

Azərbaycanda keçirilən nüfuzlu beynəlxalq TƏDBİRLƏR

Azərbaycan-İran birgə layihələrindən GÖZLƏNTİLƏRİMİZ

Magistraturaya qəbulun yekun NƏTİCƏLƏRİ

İdmançılarımız Abu Dabidən qələbə ilə döndü

“CineMastercard”da “Çingene kızı Zeugma” - QALA GECƏSİ

“Qarabağ”ın oyununda QADIN HAKİMLƏR

“Yeni Kalidoniya Bakı Təşəbbüs Qrupuna güvənir”