DGKA rəisi abituriyentlər və valideynlərlə görüşdü

“Bizim əsas missiyamız yetkin şəxsiyyətlər yetişdirməkdir”.

Versus.Az xəbər verir ki, Dövlət Gömrük Komitəsinin Akademiyasının (DGKA) ictimaiyyətlə əlaqələr şöbəsindən verilən məlimata görə, bu barədə Akademiyanın rəisi Qulu Novruzov abituriyentlər və onların valideynləri ilə görüşü zamanı bildirib.

Qulu Novruzov görüş iştirakçılarına Akademiyada Dövlət Gömrük Komitəsinin əmək bazarının tələblərinə uyğun mütəxəssislər yetişdirildiyini, tədris prosesinin aparılması üçün vacib olan bütün faktorların tədbiq edildiyini, ən peşəkar mütəxəssislərin tədrisə cəlb olunduğunu qeyd edib.

Qulu Novruzov 2019/2020-ci tədris ilindən başlayaraq I ixtisas qrupunda "İnformasiya təhlükəsizliyi" ixtisası üzrə, eləcə də magistraturaya “Dünya iqtisadiyyatı - Gömrük işi” və “Hüquqşünaslıq - Beynəlxalq hüquq” ixtisasları üzrə qəbulun gerçəkləşdiyini də bildirib.

"Bizim əsas missiyamız yetkin şəxsiyyətlər yetişdirməkdir" – deyən Akademiya rəisi qeyd edib ki, hər bir gənc, ilk növbədə, Azərbaycan dəyərlərinə sadiq vətəndaş olmalıdır. Qulu Novruzov gömrük orqanlarında çalışan Dövlət Gömrük Komitəsinin "Könüllü gömrükçü" dəstəsinin üzvlərinin yarıdan çoxunun Akademiya tələbələri olduğunu vurğulayıb.

Versus.Az