140 |
Maraqlı
Çin imperatorunun məzarı yaxınlığında 2200 illik nəhəng panda və tapir qalıqları aşkar edilib.
Bu kəşf barədə “Live Science” məlumat yayıb.
Təxminən 2200 il əvvəl Çin imperatoru Venin (180-157-ci illər) təbəələri tanrılara və ya ruhlara hədiyyə olaraq nəhəng panda və tapir gətiriblər, onların qalıqlarını isə Siandakı hökmdarın məzarının yanında basdırıblar.
Tapir qalıqlarının tapılması arxeoloqları təəccübləndirib, çünki bu, bu heyvanın bölgədə məskunlaşa biləcəyini göstərir. Əvvəllər tapirlərin 2200 il əvvəl Çindən yoxa çıxdığına inanılırdı.
Nəhəng pandanın və tapirin sümüklərindən əlavə, qrup qaurların (bizon növü), pələnglərin, yaşıl tovuzquşuların, yakların, qızılı çınqıl burunlu meymunların və keçiyə bənzər takinlərin qalıqları da tapılıb. Bu növlər hələ də Çində yaşayır, lakin bəziləri nəsli kəsilmək ərəfəsindədir.
Tapıntı tapirin qədim Çində yaşadığına dair ilk fiziki sübut olsa da, qədim sənədlər bunu əvvəllər də göstərib: qədim Çin mədəniyyətinə bağlı sənədlərdə tapirəbənzər heyvanların təsvirlərinə rast gəlinir, həmçinin qədim hekayələrdə onlar barədə danışılıb.
Bu gün tapirlərin beş növü salamat qalıb. Tapılan qalıqlar Malaya tapirinə (Tapirus indicus) aiddir. Növlərin nümayəndələri 2,4 metrə qədər böyüyür və çəkisi 320 kiloqrama qədər ola bilər. Hazırda növ təhlükə altındadır: 2500-dən az fərdi var.
Təbiətdə Malaya tapirinə yalnız Malayziya və Tayland da daxil olmaqla Cənub-Şərqi Asiyanın bəzi yerlərində rast gəlmək olar.
