Yoğun bağırsaq xərçəngini müalicə edən DƏRMAN

08:57 04-11-2023 | icon 314 | Sağlamlıq
Yoğun bağırsaq xərçəngini müalicə edən DƏRMAN

Münhen Universitetindən olan alimlərin araşdırmalarına görə, aspirin yoğun bağırsaq xərçənginin profilaktikasında və müalicəsində effektli ola bilər.

 

Versus.az xəbər verir ki, tədqiqatın nəticələri “Nature” jurnalında dərc olunub.

 

Tədqiqatçılar müəyyən ediblər ki, aspirin xərçəng hüceyrələrini məhv edən molekulların (miR-34a və miR-34b/c) yaranmasına səbəb olur. Bunun üçün aspirin AMPK fermentinin aktivliyini stimullaşdırır ki, bu da, öz növbəsində, NRF2 transkripsiyası amilini dəyişdirir. NRF transkripsiya amili orqanizmdə hüceyrələrin və toxumaların müxtəlif toksinlər, oksidləşmə stresi və kanserogen maddələrdən aktioksidant müdafiəsində iştirak edir.

 

AMPK fermenti NRF2 transkripsiyasını elə dəyişir ki, o, hüceyrənin nüvəsinə daxil olur, miR-34a və miR-34b/c molekulları ilə bağlı olan miR-34 geninin ekspressiyasını aktivləşdirir. Bu molekullar şiş supressorları ailəsinə aiddir. Başqa sözlə desək, onlar sağlam hüceyrələrin xərçəng hüceyrələrinə transformasiyası profilaktikasını təmin edir, bununla da bağırsaq xərçəngi zamanı həm profilaktik, həm də müalicəvi təsir göstərirlər.

 

Alimlər vurğulayırlar ki, aspirinin xərçəng hüceyrələrinin aktivliyinə təsirinin dərindən öyrənilməsi üçün əlavə tədqiqatlara ehtiyac var. Müəlliflər onkoloji xəstəliklərin müalicəsi üçün gələcəkdə aspirin əsasında yeni dərmanların hazırlanmasının mümkün olacağına ümid edirlər.

Xəbər lenti

InvestAZ

Ən çox oxunan xəbərlər

Xocalı soyqırımı dünya müstəvisində anılmadıqca…

MMP "Ana harayı" abidəsini ziyarət etdi

Dünyanın gözü qarşısında baş verən dəhşətli cinayət - XOCALI SOYQIRIMI

Sümük xəstəliklərindən əziyyət çəkənlər OXUSUNLAR

“Xocalı soyqırımının 32-ci ilində başımız dikəldi”

Gimnastımız Rumıniyada bürünc medal qazandı

Hindistan hərbi istehsalı və ixracını üç dəfə artıracaq

İstanbulda Xocalı soyqırımına həsr olunmuş KONFRANS

Naxçıvan istiqamətində mövqelərimiz ATƏŞƏ TUTULUB

Xocalı faciəsinin 32-ci ildönümünə həsr olunmuş FLƏŞMOB

Qərbi Azərbaycan XRONİKASI

“Qalatasaray”-dan Türkiyə Futbol Federasiyası prezidentinin istefası TƏLƏBİ

Xocalı soyqırımı ABŞ mətbuatında və beynəlxalq hesabatlarda

Xocalı soyqırımından 32 il keçir

Qarabağ Universitetində işləmək istəyənlərin NƏZƏRİNƏ