Azərbaycanlı qızımızın möhtəşəm qələbəsi

12:41 06-11-2023 | icon 761 | Cəmiyyət
Azərbaycanlı qızımızın möhtəşəm qələbəsi

Çində keçirilən irimiqyaslı yarışlardan biri olan “Çin körpüsü”ndə azərbaycanlı qızımızın möhtəşəm qələbəsi olub.

 

Versus.az xəbər verir ki, bu günlərdə Çində hər il keçirilən “Chinese bridge” (“Çin körpüsü”) adlı tələbələrin beynəlxalq olimpiadası keçirilib və Azərbaycandan olan nümayəndənin parlaq qələbəsi ilə başa çatıb.

 

Olimpiada iştirakçıları Çin dili, eləcə də Çinin coğrafiyası, tarixi və mədəniyyəti bilikləri üzrə yarışıblar.


14 yaşlı Sofiya Qarayeva Pekin operasının ifasına görə “Çin xalq sənəti” nominasiyasında birinci yeri tutub. O, Azərbaycan Dillər Universitetinin nəzdindəki Konfutsi İnstitutunun tələbəsi kimi bir neçə ildir ki Çin dilini öyrənir.

 

“Chinese bridge” Olimpiadasının qaydalarına əsasən, orada iştirak etmək üçün ölkənizdə keçirilən seçmə mərhələnin qalibi olmaq lazımdır. Olimpiadada iştirak etmək üçün 115 ölkədən Çinə gələn 125 uşağın hər biri bu seçmə mərhələdən qalib çıxıb.

 

Müsabiqə çox dolğun və rəngarəng olduğundan hər kəsə çoxlu yeni təcrübə və təəssüratlar bəxş edib. Sofiya elə ilk nitq müsabiqəsində fərqlənərək 125 iştirakçı arasında dördüncü yeri tutmuşdur. Sonra bu olimpiadada mühüm rol oynayan tamaşaların və musiqi nömrələrinin müsabiqəsi başlayıb. Bütün namizədlərın güclü olmasına baxmayaraq, birinci yeri həmyerlimiz əldə edib.

 

Bu olimpiadanın Çində böyükmiqyaslı tədbir olduğu üçün bütün ölkədə geniş işıqlandırılmış, canlı yayımlar keçirilmiş, hər yerdə “Chinese bridge”-n və iştirakçı ölkələrin bayraqları asılmışdır. 125 iştirakçı arasında Pekin operasını ifa edə bilən yeganə Sofiya Qarayeva olduğu üçün olimpiadanın bağlanış mərasimində solo partiya ona həvalə olunmuşdur.

 

Müsabiqənin sonunda Sofiya yerli telekanallardan birinə müsahibə verəndə hamı onun çin dilində danışma sürətini qeyd ediblər ki, bu da ana dili olmayanlar üçün xarakterik deyil.

 

Bundan əlavə müsabiqə nəticəsində Sofiya və Tailanddan olan iştirakçı Çin universitetlərinin birində ən yüksək təqaüdü almaq şərəfinə layiq görülüblər. Onlar Pekində və Şanxayda təhsil alacaqlar və onlara ayrılan təqaüd bilet, yaşayış və aylıq ödənişlərlə bağlı bütün xərcləri qarşılayacaq.

 

Çin Xalq Respublikasının təhsil nazirinin müavini təbrik nitqində şəxsən Sofiyaya ifasına, Çin mədəniyyətinə olan sevgisinə görə təşəkkür etmiş, ona babasının işini davam etdirməyi arzulayıb.

 

“Onun babası Çində Azərbaycanın səfiri vəzifəsində çalışanda nəvəsini Çinlə bağlı hər şeylə tanış edib. Elə bunun sayəsində Sofiya bu qədim şərq ölkəsinə heyran olmuşdur. Onun “Chinese bridge” Olimpiadasında iştirakı özünün Çinə səfər etmək imkanını yaratdı. Ümid edirəm ki, bir gün o, babasının işini davam etdirəcək və Azərbaycanın Çindəki səfiri olacaq. Sofiyaya arzularına çatmaqda uğurlar arzulayıram!” – deyə nazir müavini bildirib.

 

 

 

Ayəndə Dadaşova
versus.az

Xəbər lenti

InvestAZ

Ən çox oxunan xəbərlər

Xocalı soyqırımı dünya müstəvisində anılmadıqca…

MMP "Ana harayı" abidəsini ziyarət etdi

Dünyanın gözü qarşısında baş verən dəhşətli cinayət - XOCALI SOYQIRIMI

Sümük xəstəliklərindən əziyyət çəkənlər OXUSUNLAR

“Xocalı soyqırımının 32-ci ilində başımız dikəldi”

Gimnastımız Rumıniyada bürünc medal qazandı

Hindistan hərbi istehsalı və ixracını üç dəfə artıracaq

İstanbulda Xocalı soyqırımına həsr olunmuş KONFRANS

Naxçıvan istiqamətində mövqelərimiz ATƏŞƏ TUTULUB

Xocalı faciəsinin 32-ci ildönümünə həsr olunmuş FLƏŞMOB

Qərbi Azərbaycan XRONİKASI

“Qalatasaray”-dan Türkiyə Futbol Federasiyası prezidentinin istefası TƏLƏBİ

Xocalı soyqırımı ABŞ mətbuatında və beynəlxalq hesabatlarda

Xocalı soyqırımından 32 il keçir

Qarabağ Universitetində işləmək istəyənlərin NƏZƏRİNƏ