İngiltərə Premyer Liqasının 11-ci turunda lider “Tottenhem” “Çelsi”ni qəbul edib.

 

Dramatik keçən qarşılaşmada beş qol vurulub.

 

“Tottenhem” cari mövsümdə ilk dəfə məğlub olaraq liderliyi əldən verib. Ev sahibləri matçda önə çıxdıqdan sonra oyunda nizamı itiriblər. Belə ki, komandanın iki futbolçusu qırmızı kart alıb. Qonaqlar iki oyunçu üstünlüyü ilə məntiqi sonluğa çatıblar. Beləliklə, “Çelsi” səfərdə əzəli rəqibinə qarşı inamlı qələbə qazanaraq turnir cədvəlində 15 xalla 10-cu pilləyə yüksəlib. 

 

Hazırda turnir cədvəlinə ötən ilin çempionu “Mançester Siti” 28 xalla başçılıq edir. “Tottenhem” 27 xalla ikincidir.

 

“Tottenhem” – “Çelsi” 1-4

 

Qollar: Kulisevski, 6, - Palmer, 35(P), N.Cekson, 75, 94, 97.

 

Qırmızı kart: C.Romero, 33, D.Udogie, 55. (“Tottenhem”)