Həsən Oktay: “Casusları deportasiya etməklə Fransaya qarşı aydın və birmənalı mövqe tutdu”

“Azərbaycan bu hadisələri yaxından izlədi və Ermənistan üçün məlumat toplayan casusları deportasiya etməklə Fransaya qarşı aydın və birmənalı mövqe tutdu”.

Versus.Az xəbər verir ki, bunu Türkiyənin Qafqaz Araşdırmaları Mərkəzinin rəhbəri Hasan Oktay Azərbaycanda Fransa cəsus şəbəkəsinin ifşa olunması ilə bağlı açıqlamasında bildirib.

H.Oktay bildirib ki, vaxtilə Minsk Qrupunun üzvü olan Fransa Qarabağ və işğal olunmuş 7 rayonla bağlı gedən proseslərdə açıq şəkildə Azərbaycana qarşı çıxıb. Siyasi araşdırmaçı əslində, 2020-ci il iyulun 12-də ermənilərin Tovuz şəhərinə hücumunun arxasında məhz Fransanın dayandığını deyib:

“44 günlük müharibə zamanı və ondan sonra Fransa Azərbaycana qarşı çıxıb açıq şəkildə Ermənistanın tərəfinə keçdi. Buna baxmayaraq, Azərbaycan əvvəlcə 7 rayonu, sonra isə Dağlıq Qarabağı işğaldan azad edəndə Fransa bu dəfə Bakıdakı məmurları vasitəsilə Ermənistanı silahlandırmağa, casusluq fəaliyyəti həyata keçirməyə cəhd etdi. Azərbaycan Fransaya öz mövqeyini bir daha göstərmiş oldu”.

T.Qafarlı