Əriştəni sevir, kitab oxuyur - 104 yaşlı seçici

18:27 16-01-2024 | icon 181 | Cəmiyyət
Əriştəni sevir, kitab oxuyur - 104 yaşlı seçici

Naxçıvan Muxtar Respublikasında ən yaşlı seçici 104 yaşındadır. Bu, 1920-ci il təvəllüdlü Şərəf Muxtar qızı Hüseynəliyevadır. O, 2 saylı Şərur-Kəngərli seçki dairəsinin 41 saylı Qıvraq seçki məntəqəsində səs verəcək.

 

AzVision.az ən yaşlı seçicinin ailəsi ilə həmsöhbət olub, Şərəf nənəni yaxından tanıyıb.

 

Onun yeznəsi Səməd Səmədov bildirib ki, Şərəf xanım Kəngərli rayonunun Qıvraq qəsəbəsində yaşayır. İki qız övladı, 4 nəvəsi, 6 nəticəsi var:

 

“Hər iki qız övladı müəllimədir. Qayınananam İkinci Dünya müharibəsini, Birinci Qarabağ müharibəsini və sonda Vətən müharibəsini görüb. Ağır işlərdə işləyib. Ali təhsili olmasa da, çox savadlı qadındır. Son 3 il ərzində ayaqları tutuldu deyə yeriyə bilmədi”.

 

Şərəf nənənin qızı Vəsil Hüseynəliyeva deyir ki, anası son bir neçə ilə qədər mütaliə etməyi sevirmiş:

 

“Məmməd Səid Ordubadinin “Qılınc və Qələm”, Rəşad Nuri Güntəkinin “Dodaqdan qəlbə” kitablarını oxuyub. Türk ədəbiyyatından mütaliə edib. Həm latınca, həm də kirilcə oxuya bilir. Çox yaddaşlı bir insandır. Qızım ali məktəbə hazırlaşanda onun kitablarını oxuyurdu”.

 

Vəsilə xanımın sözlərinə görə, anasını yaşadan insanlara və həyata olan sevgisidir:

 

“Əsəbləri sakitdir. Həlim, yumşaq adamdır. Aqressiyası yoxdur. Münaqişəyə girmir. İnsanlara, həyata olan sevgisi onu yaşadır. Uşaqları sevir, onları qucaqlayır, öpür. Həmişə ət yeməyi yeyir. Ancaq onu sulu formada xoşlayır. Xəşil, əriştə, balqabaq kimi yeməklərə də böyük həvəsi var”.

 

Yeznəsinin sözlərinə görə, nənəyə seçki ilə bağlı məlumatlar da veriblər:

 

“Kimə səs verəcəyini soruşanda deyir ki, öz bildiyim namizədə səs verəcəyəm. Açıqlamır. Prezident İlham Əliyevin, Qüdrət Hüseynquliyevin, Fazil Mustafanın namizəd olduğunu bilir”.

Xəbər lenti

InvestAZ

Ən çox oxunan xəbərlər

Xocalı soyqırımı dünya müstəvisində anılmadıqca…

MMP "Ana harayı" abidəsini ziyarət etdi

Sümük xəstəliklərindən əziyyət çəkənlər OXUSUNLAR

Xocalı faciəsinin 32-ci ildönümünə həsr olunmuş FLƏŞMOB

Xocalı soyqırımı ABŞ mətbuatında və beynəlxalq hesabatlarda

Qarabağ Universitetində işləmək istəyənlərin NƏZƏRİNƏ

Xocalı soyqırımından 32 il keçir

Nazir gənc yazarla görüşüb

“CineMastercard” təqdim olunur

"Xocalı faciəsi: bu qan yerdə qalmadı” - ELMİ KONFRANS

Röya beynəlxalq musiqi festivalının açılışında çıxış edəcək

Bakı-Quba yolunda avtomobil aşıb

Rekord sayda BİLET SATIŞI

Lalə Məmmədovadan “Darıxmışam” - KONSERT

Jurnalistlərin akkreditasiyası ilə bağlı qaydaya DƏYİŞİKLİK