Qışda kəskin UCUZLAŞMA

16:54 17-01-2024 | icon 235 | İqtisadiyyat
Qışda kəskin UCUZLAŞMA

Bazarlarda pomidor niyə "su qiyməti"nə satılır?

 

Bakı bazarlarında pomidorun qiymətlərində kəskin ucuzlaşma müşahidə edilir. Hazırki qiymətlər keçən illə müqayisədə təxminən 2-3 dəfə aşağıdır. Pomidorun kiloqramı təxminən 1- 3,50 manata təklif edilir. Bəzi satıcılar deyirlər ki, keçən ilin yanvar ayında 4-5 manatdan aşağı pomidor satılmırdı.

 

Bəs, qış mövsümündə məhsulun kəskin ucuzlaşması nə ilə bağlı ola bilər?

 

Versus.az xəbər verir ki, aqrar sahə üzrə ekspert Mircavid Həsənov "Sputnik"ə deyib ki, bu, Yeni il bayramından sonra ticarətin zəifləməsi ilə bağlıdır:

 

"Bayramdan sonra tələb azaldığına görə Azərbaycandan Rusiyaya pomidor ixracı aşağı düşüb. Başqa sözlə, ixrac üçün nəzərdə tutulan pomidorlar daxili bazarlara yönəldilib və ona görə də hazırda daxili bazarımızda pomidorun qiyməti aşağı düşüb. Lakin bu ucuzlaşma müvəqqəti haldır və qiymət yenidən qalxacaq. Açıq sahələrdə pomidorlar çıxandan sonra qiymətlər yenidən düşəcək".


O əlavə edib ki, Azərbaycan pomidoru Rusiya bazarında brenddir və daha çox satılır. Biz pomidoru əsasən Rusiyaya ixrac edirik.


Pomidor ixracımız azalıb


Qeyd edək ki, Dövlət Gömrük Komitəsinin məlumatına əsasən, 2023-cü ilin 11 ayında Azərbaycandan 140,4 milyon dollar dəyərində 124,3 min ton pomidor ixrac edilib. Bu, 2022-ci ilin eyni dövrü ilə müqayisədə miqdar baxımından 2,4 faiz, dəyər baxımından 6,8 faiz azdır.


3245 vahid istixana fəaliyyət göstərib


Dövlət Statistika Komitəsinin məlumatına görə, 2023-cü il oktyabr ayının 1-nə ölkədə ümumi sahəsi 1,6 min hektar olan 3245 vahid istixana fəaliyyət göstərib. Yanvar-sentyabr aylarında yetişdirilən əsas məhsullardan olan pomidor istehsalı 229,2 min ton olub.


Onu da xatırladaq ki, Azərbaycanın Kənd Təsərrüfatı Nazirliyinin Aqrar Tədqiqatlar Mərkəzinin məlumatlarına görə, 2022-ci ildə Azərbaycanda pomidor istehsalı 2021-ci ilə nisbətən 2,4 faiz artaraq 826,5 min ton olub. 2022-ci ildə Azərbaycandan pomidor ixracının 97,3 faizi Rusiya bazarının payına düşüb.

Xəbər lenti

InvestAZ

Ən çox oxunan xəbərlər

Xocalı soyqırımı dünya müstəvisində anılmadıqca…

MMP "Ana harayı" abidəsini ziyarət etdi

Sümük xəstəliklərindən əziyyət çəkənlər OXUSUNLAR

Xocalı faciəsinin 32-ci ildönümünə həsr olunmuş FLƏŞMOB

Xocalı soyqırımı ABŞ mətbuatında və beynəlxalq hesabatlarda

Qarabağ Universitetində işləmək istəyənlərin NƏZƏRİNƏ

Xocalı soyqırımından 32 il keçir

Nazir gənc yazarla görüşüb

“CineMastercard” təqdim olunur

"Xocalı faciəsi: bu qan yerdə qalmadı” - ELMİ KONFRANS

Röya beynəlxalq musiqi festivalının açılışında çıxış edəcək

Bakı-Quba yolunda avtomobil aşıb

Rekord sayda BİLET SATIŞI

Lalə Məmmədovadan “Darıxmışam” - KONSERT

Jurnalistlərin akkreditasiyası ilə bağlı qaydaya DƏYİŞİKLİK