“Dərsliklər elektronlaşsın” - TƏKLİF

14:19 19-01-2024 | icon 257 | Siyasət
“Dərsliklər elektronlaşsın” - TƏKLİF

“Orta məktəblər üçün nəzərdə tutulan bütün dərsliklər elektronlaşdırılmalıdır. Hesab edirəm ki, problemdən ən doğru çıxış yolu budur”.

 

Bunu açıqlamasında Milli Məclisin deputatı Ceyhun Məmmədov orta məktəblərdə dərsliklərin iki nüsxə çap olunması ilə bağlı təklifə münasibət bildirərkən deyib.

 

Deputatın sözlərinə görə, bu təklifi verənlər nəzərə almalıdırlar ki, hər bir kitabın çap olunması dövlət üçün böyük vəsait hesabına başa gəlir:

 

“Dövlət hansısa kitabı çap etmək üçün böyük məbləğdə vəsait sərf edir. Hər dərslikdən iki nüsxə çap olunması milyonlarla dərsliyin və dərs vəsaitlərinin çap olunmasıdır. Eyni zamanda bu dövlət büdcəsindən bu sahəyə kifayət qədər vəsaitin ayrılmasıdır”.

 

Ceyhun Məmmədov təhsil sahəsində kifayət qədər xərclərin olduğunu qeyd edib:

 

“Bu mənada belə bir addımın atılmasına zərurət görmürəm. Düşünürəm ki, biz nə edə bilərik? Atacağımız addım o ola bilər ki, dərsliklər elektronlaşdırılsın və onlardan elektron qaydada istifadə olunsun. Söhbət gələcəkdə bu istiqamətdə birgə addımların atılmasından gedir. Buna görə təklif edirəm ki, bütün dərsliklər elektronlaşdırılsın. Bu gün dünyanın əksər ölkələrində bu üsuldan istifadə olunur. Onda da bizim zaman-zaman şikayət etdiyimiz kitabların, dərsliklərin ağır olması məsələsi gündəmdən çıxmış olacaq”.

 

Qeyd edək ki, təhsil eksperti Kamran Əsədov orta məktəblərdə istifadə olunan dərsliklərin ağır olması səbəbindən iki nüsxə çap olunmasını təklif edib. Ekspert bildirib ki, dərsliyin biri evdə, ikincisi məktəbdə qalsın və belə olarsa, şagirdlər ağır yük daşımazlar.

Xəbər lenti

InvestAZ

Ən çox oxunan xəbərlər

Xocalı soyqırımı dünya müstəvisində anılmadıqca…

MMP "Ana harayı" abidəsini ziyarət etdi

Sümük xəstəliklərindən əziyyət çəkənlər OXUSUNLAR

Xocalı faciəsinin 32-ci ildönümünə həsr olunmuş FLƏŞMOB

Xocalı soyqırımı ABŞ mətbuatında və beynəlxalq hesabatlarda

Qarabağ Universitetində işləmək istəyənlərin NƏZƏRİNƏ

Xocalı soyqırımından 32 il keçir

Nazir gənc yazarla görüşüb

“CineMastercard” təqdim olunur

"Xocalı faciəsi: bu qan yerdə qalmadı” - ELMİ KONFRANS

Röya beynəlxalq musiqi festivalının açılışında çıxış edəcək

Bakı-Quba yolunda avtomobil aşıb

Rekord sayda BİLET SATIŞI

Lalə Məmmədovadan “Darıxmışam” - KONSERT

Jurnalistlərin akkreditasiyası ilə bağlı qaydaya DƏYİŞİKLİK