Türkmən xalqının parlaq dönüş nöqtəsi

17:35 20-01-2024 | icon 325 | Siyasət
Türkmən xalqının parlaq dönüş nöqtəsi

İraq Türkməneli Partiyası 30 yaşında

 

Bütün xalqların, millətlərin tarixində dönüm nöqtəsi olan xüsusi, əlamətdar günlər var. 1994-cü ilin 16 yanvarı Kərkük Türkmənelinin, Türkmən qardaşlarımızın taleyində mühüm yer tutacaq, parlaq bir səhifəyə çevriləcək İraq Türkməneli Partiyasının təməlinin qoyulduğu gündür.

 

Həm ölkə, həm də türkmənlər üçün çətin, xaos dolu dönəmdə partiya qurmaq cəsurluq, cəsarət tələb edirdi. Səddam rejiminin türkmənlərə qarşı törətdiyi qırğınlar, faciələr, qadağalar, hüquqlarının tapdandığ bir vaxtda bütün ömrünü İraq türklərinin mücadiləsinə həsr edən Riyaz Sarıkahyanın öndərliyi ilə Ərbildə Türkmənlərin siyasi tarixində mühüm dönüş nöqtəsi olan ilk qurultay keçirildi və İraq Türkməneli Partiyasının yarandığı elan edildi. Sivil müxalifət rolunu oynayan partiya Türkmən siyasi hərəkatının başlanğıcını qoydu. İslami, milli və bəşəri dəyərləri özündə birləşdirən partiya gələcək nəsillər üçün parlaq bir örnəyə çevrildi.

 

Ötən 30 il ərzində İraq Türkməneli Partiyası böyük bir yol keçdi, həm ölkənin, həm də Kərkük Türkmənelinin ictimai-siyasi həyatında mühüm rol oynayaraq, böyük uğurlara imza atdı.

 

Türkmən xalqının tarixinə, mədəniyyətinə, milli-mənəvi dəyərlərinə sadiq olan və bu istiqamətdə fədakarlıq nümayiş etdirən partiya İraqın demokratik inkişafını dəstəkləyir. Bu prinsiplərə sədaqətli olan digər siyasi partiyalarla əməkdaşlıq edir, işbirliyini davam etdirir.

 

Kərkük Türkməneli insanlarının, Türkmən qardaşlarımızın inandığı, güvəndiyi partiyanın
əsas məqsədlərindən biri də ölkə konstitusiyasında olduğu kimi, İraqda bütün xalqların bərabərhüquqlu yaşaması prinsipinin Türkmən xalqına da şamil edilməsidir. İraq Türkməneli Partiyası Kərkük Federasiya Bölgəsinin, eyni zamanda Təlafər və Tuzhurmatı vilayətlərinin yaradılmasını təklif edib.

 

Partiya lideri Riyaz Sarıkahya bütün çıxışlarında, müsahibələrində və bəyanatlarında ölkədə ayrı-seçkiliyə son qoyulmasının, ekstremizm, terrorla mübarizə aparılmasının, tolerant, sülh, qonşuluq şəraitində birgə yaşayışın vacibliyini vurğulayıb, təbii ehtiyatlardan, neft və qazdan ədalətli istifadəyə çağırış edib.

 

Partiyanın 30-cu ildönümündə bütün Türkmən Şəhidləri ehtiramla yad olunub, onların ruhlarına dualar oxunub, qəhrəmanlıqlarından söhbət açılıb. Qəhrəman Türkmən şəhidləri sırasında İraq Türkməneli Partiyasının baş katibi Məhəmməd Rəşid Tüzlu və milli davalarına inanan gənclər də olub.

 

Bu gün də partiyanın üzvləri arasında çox sayda türkmən gənclər var və onların sırası hər gün daha da artır.
"Versus.az" olaraq, fəaliyyətləri, mücadilələri ilə ilə parlaq tarix yazan Milli lidet Riyaz Sarıkahyanı və başqanı olduğu İraq Türkməneli Partiyasını təbrik edirik və uğurlar arzulayırıq.

 

Ağanisə Əliqaraqızı
versus.az

Xəbər lenti

InvestAZ

Ən çox oxunan xəbərlər

Xocalı soyqırımı dünya müstəvisində anılmadıqca…

MMP "Ana harayı" abidəsini ziyarət etdi

Sümük xəstəliklərindən əziyyət çəkənlər OXUSUNLAR

Xocalı faciəsinin 32-ci ildönümünə həsr olunmuş FLƏŞMOB

Xocalı soyqırımı ABŞ mətbuatında və beynəlxalq hesabatlarda

Qarabağ Universitetində işləmək istəyənlərin NƏZƏRİNƏ

Xocalı soyqırımından 32 il keçir

Nazir gənc yazarla görüşüb

“CineMastercard” təqdim olunur

"Xocalı faciəsi: bu qan yerdə qalmadı” - ELMİ KONFRANS

Röya beynəlxalq musiqi festivalının açılışında çıxış edəcək

Bakı-Quba yolunda avtomobil aşıb

Rekord sayda BİLET SATIŞI

Lalə Məmmədovadan “Darıxmışam” - KONSERT

Jurnalistlərin akkreditasiyası ilə bağlı qaydaya DƏYİŞİKLİK