Xırdalanda seçicilərlə GÖRÜŞ

11:38 23-01-2024 | 351 | Siyasət

Fuad Əliyev: "Səsləndirilən problemləri hökumət və əlaqədar qurumlar qarşısında qaldırıb, həllinə çalışacam"

Prezidentliyə müstəqil namizəd Fuad Əliyev Xırdalanda Mədəniyyət Evində seçicilərlə görüşüb.

Versus.Az xəbər verir ki, bu barədə Vətəndaş Birliyi seçki Qərargahının məlumatında bildirilib.

Görüşdə seçicilər sosial narazılıqlarını prezidentliyə namizədin diqqətinə çatdırıblar. Onların şikayətəri əsasən işsizlik, az maaş, az pensiya, Qarabağ əlillərinin problemləri, müəllimlərin həkimlərin sertifikasiya imtahanlarının ləğvinə dair və digər bu kimi problemlərlə bağlı olub.

Səsləndirilən bütün şikayətlər Fuad Əliyevin vəkili Xəzər Teyyublu tərəfindən qeydə alınıb.

Prezidentliyə namizəd görüşdə səsləndirilən problemlərlə bağlı müraciətləri hökumət, əlaqədar qurumlar qarşısında qaldıracağına, mümkün qədər həllinə çalışacağına söz verib.

Sonra Müstəqil Həmkarlar Birliyinin Qaynar Xəttinin əlaqə nömrələri seçicilərin diqqətinə çatdırılıb - (055) 556-25-42).

Sonda Vətəndaş Birliyi seçki Qərargahı seçicilərlə görüşə şərait yaratdığına görə Mədəniyyət Evinin başda Arzu müəllim olmaqla rəhbərliyinə və xırdalanlı dostlara minnətdarlığını ifadəedib.